Koasoandi En Service Mihding
Wihk me Tepida January 13
10 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada ong iaduwen kitail kak kihla Watchtower en January 2003 ni atail doadoahngki padahk kan ni pali 4.
15 min: Kamwekid Aramas Ni Wiewia kan. Padahk oh tohnmwomwohdiso pahn iang koasoi. Ma aramas pahn kilang Kristian kan me kin Tiahk Mwahu—met kin wia kadehde kehlail ieu. Aramas tohto me arail pwoud iang padahk mehlel oh pein irail soh—mwurin arail kilang wiewia mwahu kan me arail pwoud kasalehda—e kamwekid irail en pil iangala padahk mehlel oh papah Siohwa. (1 Pit. 3:1, 2) Kasalehda ekspiriens kan me mihmi nan Watchtower en January 1, 1999, pali 4; Watchtower en October 1, 1995, pali 10-11; oh pil 1995 Yearbook (Pwuhk en Pahr 1995) pali 46. Koasoanehdi mwowe riemen de silimen me kak kasalehda imwila mwahu kan me kin kohsang idawehn kaweid en Paipel me pid wiewia mwahu.
20 min: “Kapwaiada Atail Inou Ong Siohwa.”a Mwurin ahmw wia parakrap 3, interview (ni mwotomwot) emen pwulopwul de emen me sounpahr 20 samwa me papidaislahr. Soangen kasongosong dah kan me e kin lelohng sangete ahnsou me e papidais lel met? Dahme sewese ih en powehdi kasongosong pwukat? Soangen kapai dah kan e alehdi pwehki e inoukihong Siohwa ah mour?
Koul 97 oh kapakap.
Wihk me Tepida January 20
8 min: Pakair kan en sahpwet. Ripoht en mwohni.
15 min: Ke Kin Wadek “Iren Rahn” Rahn Koaros? Padahk oh tohnmwomwohdiso pahn iang koasoi. Kangoange koaros en doadoahngki mwahu neirail pwuhk en Examining the Scriptures Daily—2003 (Iren Rahn—2003). Koasoia duwen ire kesempwal kan ni pali 3-4. Kihda mehn sawas kan ong iaduwen peneinei kan kak kohpene oh koasoia iren rahn. Pilada iren rahn riau de siluh me pwarada nan Iren Rahn ong sounpwong kohkohdo (February) oh doadoahngki mehpwukat en kasalehda kamwahupen wadek Iren Rahn. Koasoanehdi kamwomwada mwotomwot me kasalehda ohl oh lih pwopwoud wadek iren rahn oh koasoipene duwen met.
22 min: “Padahkiong Meteikan Lokaia Min.”b Mwurin ahmw wia parakrap 6, koasoanehdi sounkalohk koahiek me kak kasalehda iaduwen emen kak tepida onop en Paipel rehn aramas ni ara wie kesikesihnen ni wenihmwo ni ahnsou me sounkalohko pwurehng pwurala rehn aramas me perenki rong, oh e doadoahngki ehu padahk sang Atail Doadoahk Ong Wehio en January 2002 (insert), pali 4. Oh pil, wia ehu parakrap sang nan brochure Kupwurki. Sounkalohk menet pahn kaimwisekila ah koasoi ni ah pahn kihda peidek sang parakrap en mwuri oh e pahn nda me e pahn sapeng peidek wet ni ahnsou me e pahn pwurodo. Kangoange koaros en medemedewe ma irail kak wia met rehn aramas akan me irail kin pwurehng pwurala rehrail pwehn tepida onop en Paipel rehrail ni ahl wet.
Koul 49 oh kapakap.
Wihk me Tepida January 27
12 min: Pakair kan en sahpwet. Katamankin sounkalohk kan en kapedolong neirail ripoht en kalohk. Koasoanehdi kamwomwada riau me pahn doadoahngki padahk kan ni pali 4, oh koasoanehdi emen en wia padahk ong kihla Watchtower en January 15 oh pil emen en wia padahk ong kihla Awake! en January 22. Nan kamwomwada riau pwukat, sounkalohk kan pahn doadoahngki tract me oaralap koasoia Ke Kak Kalaudehla Ahmw Wehwehki Paipel? oh kihong tohnihmwo—emen tohnihmw pahn ale makisihn kan oh emen sohte pahn ale. Kawehwe, ni mwotomwot, iaduwen kitail kak pwurehng pwurala rehn irail me kin ale makisihn kan ni atail pahn pil kihong irail tracto.—Kilang Atail Doadoahk Ong Wehio en December 2002, pali 4, par. 10.
15 min: Anahn en sahpwet.
18 min: Ke Kak Auxiliary Pioneer Nan Sounpwong en March, April, May? Emen brother me iang wia Auxiliary Pioneer de Regular Pioneer mahs de met pahn wia padahk wet ni ngoang. Interview ekei me iang doadoahk en Auxiliary Pioneer rahn teio. Soahng dah kan irail anahne kawekila nan arail koasoandi pwehn lel arail awa kan? Kasalehda dahme irail koasoanehdi me sewese irail en pweida mwahu. (km 4/98 p. 4) Pwehki Kataman pahn kereniong wiawi, kangoange sounkalohk kan me men Auxiliary Pioneer en koasoiong emen elder duwen arail koasoandi kan. Ma kitail ahneki lamalam en pweida mwahu, sounkalohk tohto pahn kak iang doadoahk en Auxiliary Pioneer oh perenki doadoahk wet. Ong ekei, doadoahk en Auxiliary Pioneer kak sewese irail en kaunopada ong iang doadoahk en Regular Pioneer. Ke kak ale noumw doaropwe en Auxiliary Pioneer (application) sang rehn Presiding Overseer de Secretary en ahmw mwomwohdiso.
Koul 53 oh kapakap.
Wihk me Tepida February 3
15 min: Pakair kan en sahpwet. Kousapahlih Koakon en Peidek.
12 min: Kahlemengih Arail Pwoson. Interview emen elder me papah Siohwa ni lelepek oh aktikitik erein sounpahr tohto. (Ipru 13:7) Iaduwen e sukuhliki padahk mehlel? Soangen kahpwal dah kan me e powehdi pwehn kak lelepekte ong Siohwa oh mihmihte nan padahk mehlel? Soangen koasoandi en pali ngehn dah kan oh soangen kangoang dah kan me e alehdi pwehn sewese ih en kekeirada ni pali ngehn? Dahme e wia pwehn ahneki pwukoa wet nan mwomwohdiso? (1 Tim. 3:1) Dahme kin sewese ih en koasoanehdi ah pwukoa en mwomwohdiso, doadoahk oh pwukoa nan peneinei pwe pwukoa pwukat koaros en toupahrek? (1 Tim. 5:8) Ia ah pepehm duwen pwais kaselel me e ahneki ni e kin sewese tohnmwomwohdiso kan?
18 min: “Doadoahk Ehu me Anahne Madamadau Karakarahk.”c Ni ahnsou me ke wia parakrap 3, luhke tohnmwomwohdiso en kihda arail sawas ong iaduwen kitail kak sapeng ma emen nan atail wasahn kalohk kin lokaia laud oh lemei ong kitail, men akamai de e lingeringer. Ni ahnsou me ke wia parakrap 4, kasalehda ire kesempwal kan sang nan pwuhken Insight, Volume 1, pali 1160, parakrap 3.
Koul 55 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.