Koasoandi En Service Mihding

Wihk me Tepida May 12

Koul 20

10 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada ehu pwehn kasalehda iaduwen sounkalohk kan kak doadoahngki padahk ni pali 8 pwehn kihla Kahn Iroir en May 2003. Sounkalohk me wia kamwomwadao kak koasoia duwen koasoandi en sawas.

20 min: Pahpa oh Nohno kan​—Sewese Noumwa Seri kan en Kekeirada Ni Pali Ngehn. Padahk wet pahn kasalehda ire kesempwal kan sang pwuhk en Benefit From Theocratic Ministry School Education, pali 9-​12 oh 21-​38. Kangoange pahpa oh nohno kan en doadoahngki ire pwukat nan arail onop en peneinei pwehn sewese neirail seri kan en koahiekla nan kalohk. Kasalehda duwen ire kan me kak sewese me pwulopwul kan en kekeirada nan arail koahiek en kalohk ong aramas akan.

15 min: “Siohwa Kin Likikihong Kitail Pwukoahn Wah Rongamwahu.”a Koasoanehdi mwowe pwe sounkalohk emen de riemen en kawehwe ni mwotomwot iaduwen irail kin koasoanehdi pein arail irair kan pwehn kak kalaudehla arail ahnsoun kalohk.

Koul 21 oh kapakap.

Wihk me Tepida May 19

Koul 29

15 min: Pakair kan en sahpwet. Ripoht en mwohni. Koasoia duwen “Kauwada Kingdom Hall Kapw kan Nan Ekei Sahpw akan Nan Iurop.” Kasalehda me mwohni me kin kohwong “Kingdom Hall Fund” kin sewese kauwada Kingdom Hall kan nan sahpw akan me sohte itar mwohni oh pil kauwada Kingdom Hall kan nan sahpw akan me mihmi pahn atail Branch Ohpis.

15 min: Anahn en sahpwet.

15 min: “Kapinga Siohwa Ni Atail Kalohk Ahnsou Sohte Lipilipil.” Padahk oh tohnmwomwohdiso pahn iang koasoi. Ni ahnsou me ke pahn koasoia parakrap 3, idek rehn tohnmwomwohdiso dahme irail pahn nda ma irail men kalohk nan soangen irair pwukat: (1) ni ahmw awiawih pwehn pwainda mehkot nan sidohwa de ahnsoun netinet. (2) ni ahmw iang taxi de bus. (3) ni ahnsou me ke kilang mehn mpomw doadoahk likin imweo. (4) ni ahmw men kalohk ong iengomw tohndoadoahk kan nan ahmw wasahn doadoahk. (5) ni ahmw men kalohk ong iengomw tohnsukuhl ni imwen sukuhl. Koasoanehdi mwowe pwe emen sounkalohk en kak kasalehda ah ekspiriens mwahu kan ahnsou me e kalohk ni ahnsou sohte lipilipil oh e pweida mwahu.

Koul 56 oh kapakap.

Wihk me Tepida May 26

Koul 77

10 min: Pakair kan en sahpwet. Katamankin sounkalohk koaros en kapedolong neirail riport en kalohk en May. Koasoanehdi kamwomwada riau oh kasalehda iaduwen sounkalohk kan kak doadoahngki padahk kan me kileledi ni pali 8 oh emen pahn doadoahngki padahk en kihla Watchtower en May 15 oh pil emen pahn doadoahngki padahk en kihla Awake! en May 22. Nan padahk pwukat koaros, sounkalohko pahn kasalehda koaros Watchtower oh Awake! makisihn ahpw e pahn koasoia ehute rehra. Nan ehu kamwomwada, tohnihmw sohte pahn ale makisihn, eri sounkalohko pahn kihong ih doaropwe me oaralap koasoia Ke Men Kalaudehla Ahmw Wehwehki Paipel?

10 min: Koakon en Peidek. Padahk ehu. Ni mwotomwot, kousapahlih iren sawas kan me pid kalohk ni atail doadoahngki telephone me pwarada nan Atail Doadoahk Ong Wehio en February 2001, pali 6, parakrap 12-​15, oh pil ekei mehn sawas kan me pahn mwahu en doadoahngki nan pein sapwatail.

25 min: “Mahsen en Koht Iei Me Mehlel.”b Doadoahngki peidek kan me mihmi pah. Luhke tohnmwomwohdiso en kasalehda ma ekei rehrail sukuhliki padahk mehlel ni en sounkalohk kan doadoahngki neirail Paipel pwehn sapeng arail peidek kan. Ni ahnsou me ke koasoia parakrap 4, koasoanehdi sounkalohk koahiek men en wia kamwomwada pwehn kasalehda iaduwen kitail kak doadoahngki Paipel ni atail tepin kalohk ong aramas, oh doadoahngki ekei iren sawas me pwarada nan artikel me oaralap koasoia “Doadoahngki Mahsen en Koht Ni Pwung.”​—km 12/01 p. 1 pars. 3-4.

Koul 94 oh kapakap.

Wihk me Tepida June 2

Koul 85

10 min: Pakair kan en sahpwet. Kousapahlih iren sawas ehu de riau sang insert en Atail Doadoahk Ong Wehio en January 2002 me pid duwen padahk kan en kihla Kupwurki brochure de pwuhken Knowledge.

20 min: Pwopwoud Ni Wahu​—Koasoandi Me Kohsang Rehn Koht. Padahk oh tohnmwomwohdiso pahn koasoi. Nan sahpw tohto, kitail kin kalapw kilang ohl oh lih mihmipene ahpw sohte neira doaropwe me kasalehda me ira inou sarawi oh register ara kapwopwoud nan mwoalen kopwung. Ekei kin nda me mie kamwahupen koasoandio. Kasalehda kaweid me kileledi nan Pwuhk Sarawi, oh katamankin tohnmwomwohdiso me pwopwoud iei koasoandi me kohsang rehn Koht. (rs pp. 248-9) Ma ohl oh lih kin mihmipene oh ira sohte pwopwoud nin duwen kosonned en sahpw, met wehwehki me ira wia dipen nenek. (fy p. 17) Mendahki aramas tohto kin lemeleme me mihmipene kin wia koasoandi mwahu ieu, roporop kan kadierekda me mihmipene mwohn kapwopwoud kin kahrehong mour en pwopwoud en sohte nohn pweida mwahu. (g02 3/8 p. 29; g92 9/8 p. 28; g91 5/8 p. 28) Kristian akan kin wauneki Siohwa ni arail kin peikiong sapwellime kaweid. Ni ahl wet, ira pil kin ale pein kamwahuparail.​—Aiseia 48:17, 18.

15 min: Ke Kin Ale Kamwahupe kan? Sounapwalih en Sukuhl pahn wia pwais wet oh tohnmwomwohdiso pahn iang koasoi. Tepida nan January, kitail tepida koasoandi kapw ieu ong Theocratic Ministry Sukuhl. Ni mwotomwot, kasalehda ekei ahl akan me koasoandi en Sukuhlo wekila. Kasalehda kamwahu kan me ke kilang. Irail akan me men wia tohnsukuhl tohtohla? Ineng en tohnsukuhl akan en wia arail padahk kan laudla? Iaduwen tohnsukuhl akan paiekihda koasoandi kapw ong duwen ale kaweid? Luhke tohnmwomwohdiso en kasalehda iaduwen irail pein paiekihda sukuhlo oh iaduwen irail lemeleme koasoandi kapw wet pahn kak sewese irail ni ahnsou kohkohdo.

Koul 84 oh kapakap.

[Nting tikitik me mi pahs]