Kousapahl En Theocratic Ministry Sukuhl
Kitail pahn kousapahlih pasapengpen peidek pwukat nan Theocratic Ministry Sukuhl me pahn wiawi nan wihk me pahn tepida June 30, 2003. Sounapwalih en Sukuhl pahn wia kousapahl wet me reireiki minit 30 oh e pahn poahsoankihda padahk kan me wiawi nan wihk me tepikihda May 5 lel June 30, 2003. [Menlau tehk kanahieng: Ma sohte reference mwurin peideko, met wehwehki me ke anahne wia pein ahmw research pwehn sapeng peideko.—Kilang pwuhken Benefit From Theocratic Ministry School Education, pali 36-37.]
WIEPEN KOASOI
1. Dahme kahrehda wekiwekidek en ngihl akan en kin kohda oh kohdi wia mehkot kesempwal ni ahnsoun wia padahk, oh iaduwen atail pahn kak wia met? [be p. 111 koakon; p. 112 koakon]
2. Mehnda ma aramaso me wia padahk kamehlele dahme e koasoia oh poakohng Siohwa, dahme kahrehda e kakete sohte kasalehda ngoang nan ah padahk? [be p. 115 pars. 3-4; p. 116 par. 1]
3. Dahme pahn kahrehong aramas emen en kak kasalehda ngoang oh nsenoh nan ah padahk, oh dahme kahrehda met kesempwal? [be p. 119 pars. 1-4]
4. Iaduwen emen pahn ese ia uwen ngoang, nsenoh, oh pil peren me konehng en kasalehda nan ah padahk? [be p. 120 pars. 2-5]
5. Pwung de Sapwung: Mwekid en paliwaromw oh pohn mesomw ahnsou me ke wia padahk kin kesempwal ihte ma sounrongorong kan kilang uhk. Kawehwe. [be p. 121 par. 3]
PADAHK KEIEU
6. Dahme sewese Sosaia en pilada elen mour pwung mendahki ah mour ni ahnsou me e tikitik me apwal pwehki ah pahpa kin wia kaudok likamw? (2 Kronikel 34:1, 2) [w01 4/15 p. 27 pars. 1-6; p. 28 par. 4]
7. Ia wehwehn Lepin Padahk 9:7, 8a, oh iaduwen iren Paipel wet kin pid atail doadoahk en kalohk? [w01 5/15 p. 29 pars. 4-5]
8. Ia wehwehn mahsen en Siohwa ni ahnsou me e padahkiong mehn Israel kan: ‘Kumwail dehr manokehla,’ oh iaduwen kitail kak wia pwehn tamatamante dahme kesempwal? (Deud. 4:9; 8:11) [be p. 20 pars. 1-3]
9. Iaduwen mahsen en Depit nan Melkahka 32:1, 5 oh Melkahka 51:10, 15 kasalehda me emen sohte anahne pepehm me ah mour sohte katepe ma e wiahda dihp laud ahpw koluhla mehlel? [w01 6/1 p. 30 pars. 1-3]
10. Dahme kitail kak sukuhliki duwen apwalih irail akan me anahne sawas sang kaweid en Pohl me ntingihdi nan 1 Timoty 5:3-16? [w01 6/15 p. 11 par. 1]
WADAWAD EN PAIPEL EREIN WIHK
11. Ia wehwehn mahsen en Sises nan Sohn 3:3 ni ahnsou me e mahsanih duwen “ipwsapahl”? [w95 7/1 pp. 9-10 pars. 4-5]
12. Ni ahl dahieu Sises doadoahngki kasukuhl me kohwong ih, oh mehn kasukuhl dahieu kitail kak sukuhliki sang met? (Sohn 7:15-18) [w96 2/1 pp. 9-10 pars. 4-7]
13. Dahme kahrehda Sohn 7:53–8:11 sohte ntingdi (nan main text) nan Pwuhk Sarawi en New World Translation?
14. Iaduwen Sises “pahn ketin pwurodo ni soangen ahlohte” me e ketidala nanleng? (Wiewia 1:11) [w90 6/1 p. 11 par. 5]
15. Dahme kahrehda “irail koaros masak patehng [sapwellimen Sises tohnpadahk kan],” nin duwen Wiewia 5:13 kasalehda?