Koasoandi En Service Mihding
Wihk me Tepida November 10
10 min: Pakair kan en sahpwet oh ekei pakair kan sang Atail Doadoahk Ong Wehio. Koasoanehdi kamwomwada riau me pahn kasalehda iaduwen kitail kak doadoahngki padahk ni pali 4 ong kihla Kahn Iroir en November. Kitail kak doadoahngki iren Paipel teikan likin me kileledi ni pali 4. Nan ehu kamwomwada, sounkalohk kan pahn kasalehda iaduwen kitail kak kihla makisihn kan nan taxi de bus de pil wasa teikan. Ni kaimwiseklahn kamwomwada ko, e pahn mwahu sounkalohk kan en kawehwe duwen koasoandi en sawas.
15 min: “Kumwail en Onohnop Ahnsou Koaros.” a Luhke tohnmwomwohdiso en kasalehda dahme kin sewese irail en dehr mweidohng kapwunod oh kahpwal akan en koasoandi wet en kauwehla arail ahnsou en wia soahng ngenin kan.
20 min: Iaduwen Ke Kin Pilada Ihs Me Ke Kin Werekiong? Padahk wet poahsoanda pohn pwuhken Worship God, pali 47-49 oh tohnmwomwohdiso pahn iang koasoi. Ni ahmw doadoahngki peidek kan oh iren Paipel kan me mihmi nan parakrap 13, luhke tohnmwomwohdiso en koasoia duwen kaweid sang Paipel me kak sewese kitail en pilada mwahu ihs me kitail kin werekiong de patehng.
Koul 51 oh kapakap.
Wihk me Tepida November 17
12 min: Pakair kan en sahpwet. Interview sounkalohk riemen de silimen me doadoahngki dahme kitail kin kihla nan sounpwonget oh pweida mwahu oh men kasalehda arail ekspiriens. Ekei sounkalohk kan mwein tepidahr onop Paipel rehn ekei aramas.
15 min: Kekeirada Ngenen Kihkihwei. Emen elder pahn wia padahk wet me pahn poahsoanda pohn Watchtower (lokaiahn wai) en November 1, 2002, pali 26-30.
18 min: “Kaping Kak Kakehlada Aramas.”b Ke kak pil koasoia duwen ire kesempwal kan sang pwuhken Wiaiong Mour en Ahmw Peneinei Nsenamwahu, pali 51, parakrap 24, pali 56, parakrap 8, oh pali 121, parakrap 15. Luhke ekei tohnmwomwohdiso en koasoia iaduwen arail rong aramas teikan kapinga irail kangoange irail.
Koul 28 oh kapakap.
Wihk me Tepida November 24
12 min: Pakair kan en sahpwet. Ripoht en mwohni. Koasoanehdi kamwomwada riau me kin kasalehda iaduwen kitail kak doadoahngki padahk kan ni pali 4 en kihla Watchtower en November 15 oh Awake! en November 22 nan atail wasahn kalohk. Nan kamwomwada riau koaros, sounkalohko pahn kihla makisihn koaros ahpw e pahn koasoia makisihn ehute. Sounkalohko nan ehu kamwomwada pahn kawehwe duwen atail koasoandi en sawas ong doadoahk en kalohk me kin wiawi sampah pwon.—Kilang The Watchtower, pali 2, de Awake! pali 5.
10 min: Koakon en Peidek. Emen elder pahn wia padahk wet.
23 min: “Karanih Siohwa.” c Doadoahngki peidek kan me mihmi pah. Mweidohng tohnmwomwohdiso en kasalehda iaduwen kitail kak doadoahngki iren Paipel kan nan atail mour. Koasoanehdi mwowe tohnmwomwohdiso emen de riemen en kasalehda dahme sewese ira en kamwahuwihala pein arail onop Paipel.
Koul 96 oh kapakap.
Wihk me Tepida December 1
10 min: Pakair kan en sahpwet. Katamankin sounkalohk kan en kapedolong neirail ripoht en kalohk en November. Kasalehda duwen dahme kitail pahn kihla nan December. Kousapahlih ni mwotomwot ekei padahk kan. Kawehwehda iaduwen sounkalohk kan kak doadoahngki Watch Tower Publications Index pwehn kak rapahki pil ekei padahk kan.—Kilang Atail Doadoahk Ong Wehio en September 2001, pali 3.
15 min: Anahn en sahpwet.
20 min: Koahiekla Pwehn Kak Padahki Meteikan. Padahk wet poahsoanda pohn Kahn Iroir en November 1, 2000, pali 28-29, parakrap 9-13. Mehn akadei me inenen kesempwal nan kalohk iei en koahiekla ni atail wia padahk. Ma kitail pahn pweida mwahu ni atail sewese irail me duwehte sihpw pahn poahsoankihda atail kawehwe mwahu padahk duwen Wehin Koht ni ahl me pahn kasukuhlih oh kamwekid irail. Koasoia peidek pwukat: (1) Iaduwen kalohk oh padahk kin wekpeseng? (it-2 p. 672 par. 2) (2) Dahme kahrehda ekei kin pweiek en tepida onop Paipel rehn aramas akan? (3) Iaduwen kitail kak kamwahuwihala atail koahiek en padahk? (4) Iaduwen kitail kak ese me aramaso me kitail kin onop Paipel reh kin wehwehki dahme e sukuhliki? (5) Mehn akadei dahieu kitail pahn sewesehki aramaso me kitail kin onop Paipel reh en lel?
Koul 32 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.