Koasoandi En Service Mihding
Wihk me Tepida June 14
10 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada pwehn kasalehda iaduwen kitail kak kihla Kahn Iroir en June ni atail doadoahngki padahk ni pali 4. Koasoanehdi mwowe me sounkalohk pahn wia kisin koasoi ni kadek oh mwotomwot ni tepin ah padahk. Kasalehda me met pahn kak sewese tohnihmwo en peren oh meleilei oh kak rong ahn sounkalohk ah padahk.
20 min: “Siohwa Kin Sewese Irail me Kin Likih Ih.”a Ni ahnsou me ke pahn wia parakrap 4, ke pahn koasoia duwen ire kesempwal kan nan Atail Doadoahk Ong Wehio en August 2001, pali 4, parakrap 3-4, oh pwuhken Benefit From Theocratic Ministry School Education, pali 67, parakrap 2.
15 min: Dahme Kahrehda Kitail en Liksang Doadoahngki Wini en Kasahliel? Padahk wet pahn poahsoanda pohn pwuhken Reasoning, pali 106-109. Tohnmwomwohdiso pahn iang koasoi. Aramas tohto nan rahnwet kin doadoahngki wini ni ahl sapwung. Tohto kin nda me doadoahngki wini pwukat sohte keper; ekei aramas nantihong wiahda kosonned akan me pahn mweidada aramas en doadoahngki wini duwehte maru. Kawehwe ia mwomwen kitail kak kawehwe ong soangen aramas pwukat. Pil kasalehda duwen ire kesempwal kan nan Awake! en November 8, 1999, koakon.
Koul 21 oh kapakap.
Wihk me Tepida June 21
10 min: Pakair kan en sahpwet.
15 min: “Tohnleng kan Kin Sewese Kitail.”b Mweidohng tohnmwomwohdiso en koasoia duwen iren Paipel kan ma mie ahnsou.
20 min: Ma Kitail Ahneki Erpit Sang Powe, Kitail Pahn Doadoahngki Atail Loalokong. (Seims 3:17) Padahk wet pahn poahsoanda pohn pwuhken Benefit From Theocratic Ministry School Education, pali 251-252. Tohnmwomwohdiso pahn iang koasoi. Iaduwen kitail pahn kak “doadoahngki atail loalokong”? Dahme kahrehda e kesempwal en wia met nan kalohk? Dahme kitail kak sukuhliki sang mehn kahlemeng mwahu en wahnpoaron Pohl? Iaduwen sounkalohk kan kak medemedewe mour en aramas akan me mihmi nan arail wasahn kalohk? Iaduwen kitail kak sewese irail me onop Paipel rehtail en doadoahngki arail loalokong? Koasoanehdi mwowe sounkalohk emen de riemen en kasalehda ara ekspiriens duwen kamwahupen doadoahngki arail loalokong.
Koul 25 oh kapakap.
Wihk me Tepida June 28
12 min: Pakair kan en sahpwet. Ripoht en mwohni. Katamanki sounkalohk en kapedolong neirail ripoht en June. Koasoanehdi kamwomwada pwehn kasalehda iaduwen kitail kak kihla Watchtower en June 15 oh Awake! en June 22. Nan ehu kamwomwada, sounkalohk pahn kasalehda ah kalohk nan wasahn pisnis. Kamwomwada teio pahn kasalehda kalohk nan pil ehu wasa me uhdahn kin wiawi nan ahmw wasa.
15 min: Anahn en sahpwet.
18 min: “Kahrepe Kesempwal kan me Kitail Anahne Iang Pwuhk Study en Mwomwohdiso.”c Doadoahngki peidek kan me mihmi pah. Koasoia duwen ire kesempwal kan nan artikel “Sewese Ih me Wia Sounapwalih en Ahmw Pwuhk Study en Mwomwohdiso,” me mihmi nan Atail Doadoahk Ong Wehio en November 2002, pali 1.
Koul 3 oh kapakap.
Wihk me Tepida July 5
10 min: Pakair kan en sahpwet.
15 min: Dahme Ke Pahn Nda? Emen brother pahn wia padahk wet oh tohnmwomwohdiso pahn iang koasoi. Nan July oh August, kitail pahn kihla brochure kan. Mehnia brochure kan me mwahu sounkalohk kan en doadoahngki nan ahmw wasahn kalohk? Kousapahlih ekei padahk kan nan Atail Doadoahk Ong Wehio en August 1998, pali 8, de Atail Doadoahk Ong Wehio teikan. Kasalehda me nan ehuehu padahk kin mie: (1) peidek ehu, (2) iren Paipel ehu, oh (3) ire kesempwal ehu sang nan brochure. Koasoanehdi kamwomwada en padahk ehu de riau me mwahu sounkalohk kan en doadoahngki. Kangoange koaros en doadoahngki Paipel ni ahnsou me irail pahn kalohki Rongamwahu.
20 min: Dahme Seri kan kin Anahne Sang Arail Pahpa/Nohno. Padahk wet pahn poahsoanda pohn pwuhken Learn From the Great Teacher, pali 6-7. Tohnmwomwohdiso pahn iang koasoi. E kesempwal seri kan en sukuhliki duwen koasoandi kan me kileledi nan Paipel me pid duwen kaudok mehlel oh irail anahne wehwehki duwen pwukoahn pahpa oh nohno kan en kaiahne neirail seri kan. Doadoahngki iren sawas kan me sansalda nan pwuhko. Luhke pahpa oh nohno kan en kasalehda iaduwen irail kin doadoahngki pwuhko en sewese neirail seri kan. Koasoanehdi mwowe seri emen de riemen en kasalehda dahme kahrehda ira perenki pwuhko.
Koul 41 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan.