Koasoandi En Service Mihding

Wihk me Tepida January 10

Koul 57

10 min: Pakair kan en sahpwet. Ekei pakair kan sang Atail Doadoahk Ong Wehio. Ma padahk me kileledi ni pali 8 mwahu en doadoahngki nan ahmw wasahn kalohk, koasoanehdi kamwomwada pwehn kasalehda iaduwen kitail kak doadoahngki padahko ong kihla Kahn Iroir en January.

15 min: “Ale Ketihnain Sang Mahsen en Pwoson.”a Wadek oh koasoia iren Paipel kan ma mie ahnsou.

20 min: “Doadoahngki Tepin Padahk me Aramas Pahn Perenki.” Pwais wet poahsoanda pohn pali 6 en insert oh tohnmwomwohdiso pahn iang koasoi. Koasoanehdi kamwomwada riau me pahn kasalehda padahk kan ong dahme kitail pahn kihla nan sounpwonget. Nan kamwomwada koaros, koasoanehdi pwe sounkalohk kan en wadek iren Paipel ehu me pahn dokedoke dahme tohnihmwo kin pwunodki.

Koul 60 oh kapakap.

Wihk me Tepida January 17

Koul 14

10 min: Pakair kan en sahpwet.

15 min: Kumwail me Pwulopwul kan​—Kumwail Wie Kekeirada ni Pali Ngehn? Emen elder pahn wia padahk wet me pahn poahsoankihda Watchtower (lokaiahn wai) en April 1, 2003, pali 8-​10. Kasalehda ekei mehn akadei kan me mwahu, oh kangoange me pwulopwul kan en koasoanehdi mehn akadei ngenin kan ong pein irail.

20 min: “Wia Onop en Paipel Rehn Aramas akan ni Ahl me Pahn Sewese Irail en Kekeirada Mwahu​—Pali 5.”b Koasoanehdi kamwomwada en sounkalohk koahiek men sewese sounkalohk kapw men oh kasalehda iaduwen e pahn doadoahngki kaweid me kileledi nan parakrap 4-5.

Koul 39 oh kapakap.

Wihk me Tepida January 24

Koul 71

10 min: Pakair kan en sahpwet. Ripoht en mwohni. Kousapahlih ni mwotomwot koakon me oaralap koasoia “Video Prokram nan DVD.”

10 min: Koakon en Peidek. Padahk ieu.

25 min: “Iaduwen Ahmw Pahn Doadoahngki Padahk kan.”c Doadoahngki peidek kan me kileledi pah. Kasalehda me nan Atail Doadoahk Ong Wehio en sounpwonget, pali 3-5, mie padahk kan me kitail kak doadoahngki nan kalohk. Nekidala mwahu doaropwe wet pwe kitail kak doadoahngki erein pahret. Mwurin ahmw koasoia artikelo, koasoanehdi kamwomwada riau me sounkalohk kan kak doadoahngki nan February. Sounkalohk kan me wia kamwomwada kan kak doadoahngki padahk kan me mihmi nan insert de ira kak doadoahngki padahk kan me kin pweida mwahu nan pein amwail wasahn kalohk.

Koul 88 oh kapakap.

Wihk me Tepida January 31

Koul 68

10 min: Pakair kan en sahpwet. Katamankin sounkalohk kan en kapedolong neirail riport en kalohk en January. Ma padahk kan ni pali 8 kin mwahu en doadoahngki nan ahmw wasahn kalohk, koasoanehdi kamwomwada pwehn kak kasalehda iaduwen sounkalohk kan pahn kihla Watchtower en January 15 oh Awake! en January 22. Ke kak pil doadoahngki padahk teikan. Nan ehu kamwomwada, kasalehda iaduwen sounkalohk men pahn kihla makasihn ong emen ah peneinei me saikinte iangala padahk mehlel.

15 min: Anahn en sahpwet.

20 min: Ke Kin Wadek Iren Rahn Ehuehu Rahn? Emen brother pahn wia padahk wet me pahn poahsoankihda “Foreward” en Examining the Scriptures Daily​—2005 oh tohnmwomwohdiso pahn iang koasoi. Kasalehda kesempwalpen kitail koaros en koasoanehdi minit kei rahn koaros en wadek Iren Rahn oh kawehwe kan me kileledi pah. Koasoanehdi rehn emen de riemen mwowe pwe ira en kasalehda duwen ara koasoandi en wadek Iren Rahn oh iaduwen ira paiekihda koasoandi wet. Kaimwisekla ahmw koasoi ni ahmw pahn kasalehda Iren Pahr en 2005 oh ekis koasoia duwen met.

Koul 80 oh kapakap.

Wihk me Tepida February 7

Koul 47

10 min: Pakair kan en sahpwet.

15 min: Sewese Irail me Kapw kan en Kasalehda Limpoak ong Koht oh Mehn Mparail. Padahk wet pahn poahsoankihda Watchtower (lokaiahn wai) en July 1, 2004, pali 16, parakrap 7-9. Kasalehda me emen emen nan mwomwohdiso kin sewese irail me kapw kan en wiahla sapwellimen Krais tohnpadahk kan.

20 min: Siohwa Kin Ahnsou Koaros Wia Dahme Mwahu ong Sapwellime kan. (Mel. 84:11) Interview ekei brother oh sister kan me dadaurete mendahki kahpwal oh kasongosong kan. Soangen kahpwal kan me irail lelohng? Dahme sewese irail en powehdi? Soangen peren oh kapai dah kan me irail ahneki?

Koul 46 oh kapakap.

[Nting tikitik me mi pahs]