Video Prokram nan DVD

Mie video prokram siluh nan DVD me oaralap koasoia Transfusion Alternatives​—Documentary Series. Society wiahda Transfusion-Alternative Strategies​—Simple, Safe, Effective ong toahkte kan oh pil irail tohnsukuhl en palien wini, kahrehda mie soangen kilel kan me pid palien wini oh kilel pwukat tohto sang prokram teiko. Society wiahda Transfusion-Alternative Health Care​—Meeting Patient Needs and Rights ong irail me kin nting duwen palien wini, irail me kin doadoahk palien wini, irail me kin sewese aramas ale sawas en wini, oh pil sounkopwung kan. E kin kawehwe iaduwen aramas pwukat kak apwalih mwahu ahn aramas anahn akan me pid palien wini iangahki arail pwung ni palien kosonned. Society wiahda video me oaralap koasoia No Blood​—Medicine Meets the Challenge ong aramas sohte lipilipil (general public). Society wiahda DVD wet ni lokaiahn wai (English) oh mie pil ekei “sound tracks” ni lokaiahn France, Germany, Italy, Japan, Portugal (Brazil), Russia, oh Spain. Menlau kasalehiong ahmw toahkte, Bible Study kan, ahmw pwoud me saikinte iangala padahk mehlel, ahmw peneinei, ahmw sounpadahk, iengomw tohndoadoahk oh iengomw tohnsukuhl kan video prokram pwukat.