Video Cassette Ehu me kin Kasalehda Wiepen Wini me Kapw oh Kesempwal
Irail me samanih palien kosonned oh pil irail me kin samanih palien roson en paliwar kin tehk mwahu duwen pwung en me soumwahu kan, iangahki arail madamadau kan. Met kahrehong irail en wiahda wiepen wini kapw kan me Sounkadehdehn Siohwa kan kin paiekihda. (Wiewia 15:28, 29) Ih me video cassette me oaralap koasoia “Transfusion-Alternative Health Care—Meeting Patient Needs and Rights” kin kasalehda duwe. Menlau kilang video cassette wet, oh mwurin mwo, kousapahlih dahme ke sukuhliki.—Menlau tehk kanahieng: Pwehki video cassette wet kin kasalehda ekei pwal tikitik kan, pahpa oh nohno en tehk mahs ma ira mwahuki neira seri tikitik kan en kilang wasa pwukat.
(1) Dahme kahrehda irail toahkte kan iangahki irail me kin doadoahk ni palien wini kin tehk sapahl ma irail anahne doadoahngki doken nta de soh? (2) Kihda karasepe siluh me kin kasalehda me pwal apwal kan kak wiawihte mehnda ma irail sohte kin doadoahngki doken nta. (3) Toahkte depe nan sampah pwon kasalehda me irail men sewese me soumwahu kan ni arail sohte pahn doadoahngki doken nta? Dahme kahrehda irail men wia met? (4) Sang arail roporop me irail wia ni imwen wini kan, dahme irail diarada me pid duwen doadoahngki nta? (5) Ia kasuwedpen doken nta? (6) Dahme irail semen en palien wini diarada duwen kamwahupen doadoahngki wini me sohte dol nta? (7) Dahme kin kahrehong emen en iangada soumwahu adaneki “anemia”? Ia uwen werei paliwar en aramas kak soumwahuki “anemia” oh mour? Dahme pahn kak wiawi pwehn kak winie “anemia”? (8) Dahme kak wiawi pwehn kahrehong “red blood cells” en tohtohla nan paliwar en aramas emen me soumwahu? (9) Soangen wiepen wini dah kan me toahkte kan kak doadoahngki pwehn katikitikihala uwen nta kin kohsang paliwar en aramas emen ni ahnsou me e pwal? (10) Soangen wiepen wini pwukat kak doadoahk ong seri tikitik kan de ong aramas me luwetala oh kereniong pahn mehla? (11) Dahme keieu kesempwal en tamataman ni ahnsou me toahkte kan pahn apwalih me soumwahu kan? (12) Dahme kahrehda e kesempwal Kristian akan en pilada mwowe dahme irail pahn wia me pid duwen pilipil en wiepen wini kan? Iaduwen kitail kak wia met?
Emenemen kitail anahne pilada ma kitail pahn mweidohng toahkte kan en doadoahngki wiepen wini me sansalda nan video cassette oh emenemen pahn pilada dahme sohte pahn lidere ah nsen mwakelekel. Ke piladahr mehnia wiepen wini ke pahn aleiong uhk oh pil ong noumw seri kan? E pahn mwahu ma ke kak kehsehki ahmw peneinei kan me kaidehn Sounkadehde kan duwen ahmw pilipil oh kahrepen ke wia pilipil pwukat.—Kilang Watchtower (lokaiahn wai) en June 15 oh October 15, 2000, “Questions From Readers.”