Video Ieu me Oaralapiehda Irair Kesempwal Ieu en Palien Imwen Wini
Irail semen kan en palien kosonned oh palien wini tepiadahr tehk kanahieng madamadau oh pwung en aramas soumwahu kan. Met elehda wiepen apwalih soumwahu kan me kak wia kamwahu ohng Sounkadehdehn Siohwa kan. (Wiewia 15:28, 29) Met iei me poahsoanehda video me oaralap koasoia “Transfusion-Alternative Health Care—Meeting Patient Needs and Rights.” Menlau kilang mahs video wet oh mwuri kousapahl dahme kumwail sukuhlikihier.—Tehk kanahieng: Video wet mie loale wasa kei me kasalehda ekis duwen pwal, eri pahpa/nohno kan en pein ese iawasa me neirail seri tikitik kan kak iang kilang.
(1) Dahme kahrehda ekei toahkte kan pwurehng tehk sapahlih doadoahkepen doken nta? (2) Kihda mehn karasepe siluh en pwal laud akan me kak wia ni sohte doken nta. (3) Toahkte depe nan sampah me men apwalih soumwahu oh sohte doadoahngki nta? Dahme kahrehda irail men apwalih soumwahu pwukat me sohte men doadoahngki nta? (4) Dahme roporop en ahnsou kerendo kan me pidada imwen wini kan kasalehda duwen doadoahngki nta? (5) Soangen kahpwal dah kei kak pwarada sang doken nta? (6) Soangen kamwahu dah kan me semen kan diarada sang ni arail doadoahngki weliepen mehn doken nta kan? (7) Dahme kin kahrehda tikitiklahn nta? Ia uwen tikitik en nta me aramas kak momourki? Dahme kak kaitarih tikitiklahn nta? (8) Iaduwen weren nta weitahta kan ahr kak pwurehng wiawihda? (9) Soangen wiepe dah kan me kin doadoahk ahnsou en pwal pwehn katikala pwilipwillahn nta? (9) Soangen wiepe dah kan me kin doadoahk ahnsou en pwal pwehn katikala pwilipwillahn nta? (10) Mehn weliepen nta kan kak doadoahk rehn seri tikitik kan de aramas akan me kin mih nan irair keper en tikitiklahn nta? (11) Ia ehu poahsoanpen mour en wiepen epwel mwahu nan palien wini? (12) Dahme kahrehda e kesempwal ong Kristian akan en piladahr wiepen epwelpen imwen wini me sohte kin doadoahngki nta mwohn mehkot ah pwarada? Iaduwen atail kak wia met?
Pwungkihda ale ekei wiepen epwelpen wini kan me pwarada nan video wet wia ahn emen emen pilipil me kin poahsoankihda ahr nsen mwakelekel me kaiahnkihda Paipel. Ke piladahr mehnia weliepen nta kan me ke pahn pwungki doadoahngki ong kowe oh noumw seri kan? Peneinei kan me saikinte wiahla Sounkadehdehn Siohwa kan en pil wehwehki mwahu duwen ahmw pilipil oh dahme kahrehda ke wiahda pilipil pwukat.—Menlau tehk “Questions From Readers” nan Watchtower en June 15, 2004, oh October 15, 2000.