Epwelpen Pali en Wini me Keieu Mwahu—Dahkot Mwo?
Toahkte Michael Rose, me wia medical director oh anesthesiologist koasoia: “Me soumwahu men me kin ale wini kan me nta sohte iang, ni mehlel, iei emen me kin ale pwal me keieu mwahu.” Soangen koasoandi dah kan oh wiepen wiliepen doken nta dah kan (transfusion alternatives) mwein ele pahn iang “wini kan me nta sohte iang (bloodless medicine)? Ke anahne wehwehki met pwehn wiahda pilipil kan me poahsoankihda ahmw wehwehki wiepen epwelpen palien wini oh pwal. Kilang video No Blood—Medicine Meets the Challenge. Mwurin mwo, tehk ahmw wehwehki duwen ire pwukat sang ni ahmw doadoahngki peidek kan en mwuhr.—Tehk kanahieng: Video wet mie loale wasa kei me kasalehda ekis duwen pwal, eri pahpa oh nohno kan en pein ese iawasa me neirail seri tikitik kan kak iang kilang.
(1) Ia kahrepe me keieu kesempwal ong Sounkadehdehn Siohwa kan ahr sohte kin ale doken nta? (2) Me pid duwen epwelpen palien wini, dahme Sounkadehdehn Siohwa kan men ale? (3) Soangen pwung dah kan me soumwahu kan ahneki? (4) Dahme kahrehda e konehng oh pwung en pilada wiepen wiliepen doken nta kan (transfusion alternatives)? (5) Ni ahnsou me nta laud kohkohsang, wiewia kesempwal riau dah kan me toahkte kan anahne mwadang wia? (6) Ia ire kesempwal pahieu en wiepen wiliepen doken nta kan (transfusion-alternative)? (7) Iaduwen toahkte kan mwein ele pahn (a) katikitikala uwen laud en nta me pahn kohsang, (b) kasohtikihala red blood cells, (c) kamwekid nta en wiawihda, oh (d) kalaudehla nta me pahrekiong uwen laud en nta me kohsang? (8) Kawehwe duwen wiepe kan me adaneki (a) hemodilution oh (b) cell salvage. (9) Dahme ke men ese me pid duwen wiepen wiliepen doken nta kan (transfusion alternative)? (10) Pwal kan me keper oh apwal kak wiawi ma sohte doken nta wiawi? (11) Soangen kekeirada mwahu dah kan en palien wini kin wiawi?
Pwungkihda ale ekei wiepen epwelpen wini kan me pwarada nan video wet wia ahn emen emen pilipil me poahsoankihda ahr nsen mwakelekel me kaiahnkihda Paipel. Ke piladahr mehnia wiepen wiliepen doken nta kan (transfusion alternatives) ke pahn pwungki doadoahngki ong kowe oh noumw seri kan? Tohn peneinei kan me kaidehn Sounkadehdehn Siohwa kan pil anahne wehwehki mwahu ahmw pilipil kan oh kahrepen ahmw wiahda pilipil pwukat.—Kilang “Questions From Readers” nan Watchtower en June 15, 2004, oh October 15, 2000.