Paiekihda Video Cassette me Oaralap Koasoia: No Blood—Medicine Meets the Challenge
Ia uwen laud ahmw ese duwen sawas kan me ke kak ale sang toahkte me pid wini me sohte dol nta? Ke wehwehki duwen wini me ke kak ale (transfusion alternatives) oh iaduwen re kin doadoahk? Menlau kilang video cassette wet, oh song uwen me ke sukuhliki ni ahmw kin doadoahngki peidek kan me mihmi pah.—Menlau tehk kanahieng: Nan video cassette wet, mie wasa mwotomwot kan me kasalehda pwal, pahpa oh nohno kan anahne medemedewe ma e konehng neirail seri tikitik kan en kilang.
(1) Ia keieun kahrepe me Sounkadehdehn Siohwa kan sohte kin ale doken nta, oh mehnia iren Paipel kin kasalehda duwen kaweid en “liksang nta”? (2) Me pid wiepen wini, dahme kitail mwahuki? (3) Pwung dahieu me aramas koaros ahneki? (4) Dahme kahrehda e konehng oh pil loalokong en dehr ale doken nta? (5) Ni ahnsou me nta laud kohsang rehn aramas emen, soangen pilipil riau dahieu me toahkte kan anahne wia? (6) Soangen keper dah kei me kin kohsang ale doken nta? (7) Soangen dipwisou en doadoahk dah kan me toahkte en pwal kan naineki me kak sawas katikihala pwilipwilweihn nta ahnsoun pwal? (8) Dahme ke anahne wehwehki duwen wini me sohte dol nta (transfusion alternatives)? (9) Pwal laud oh apwal kan kak wiawi ma emen sohte pahn ale doken nta? (10) Dahme toahkte tohto kin wia ong Sounkadehdehn Siohwa kan, oh dahme pahn kakete wiawi me pidada apwalih aramas koaros?
Emen emen pahn anahne wia pein ah pilipil ni ahnsou me e anahne pilada ma e pahn doadoahngki soangen wiepen wini me video cassette wet koasoia de soh.—Kilang Watchtower (lokaiahn wai) en June 15, 2004, pali 22-24, 29-31, oh pil Watchtower (lokaiahn wai) en October 15, 2000, pali 30-31.