Padahk kan ong Brochure kan
NEKIDALA MWAHU
Padahk pwukat koaros me kileledi wasaht kin audaudki soahng siluh pwukat: (1) peidek ehu me pahn kak kahrehiong aramas akan nan kalohk en iang koasoi, (2) wasakis nan brochure me kitail kak doadoahngki nan atail padahk, oh (3) iren Paipel ehu me pahn konehng atail koasoi. Ke kak wiahda ahmw padahk ni pein ahmw lokaia me pahn poahsoankihda ahn aramaso madamadau me e kasalehda.
Dahme Koht Kupwurki Kitail en Wia?
◼ “Mie pak me ke medemedewe dahme kahrehda pelien lamalam tohto mie nan sampah rahnwet?”—Iren Mehn Kasukuhl 13, par. 2; Madiu 7:21-23.
◼ “Aramas sang pelien lamalam koaros kin kapakap. Ke lemeleme Koht kin karonge kapakap koaros?”—Iren Mehn Kasukuhl 7, par. 7; Lepin Padahk 15:29; 28:9.
◼ “Mwein ele ke tamataman poadoapoad en Adam oh Ihp. Ke lemeleme ira pahn kohdahla nanleng ma ira sohte wiahda dihp?”—Iren Mehn Kasukuhl 5, par. 2; Sen. 1:28; 2:8, 15.
Paieki Mour Sampah Kohkohlahte!
◼ “Aramas tohto kin lemeleme me irail anahne kohdahla nanleng pwehn alehdi mour soutuk, ahpw dahme ke lemelemehki duwen mour soutuk nan sampah?”—Kilel ni kilin brochure; Kaudiahl 21:4.
◼ “Pali laud en kitail kin tamataman duwen poadoapoad en Paipel kan me pid duwen Sises. Ahpw, dahme ke lemeleme Sises Krais wiewia ahnsou wet?”—Kilel 41-42; Kaudiahl 11:15.
◼ “E kin kapahtou ni ahnsou me emen me kitail poakpoake kin mehla. Mie pak me ke medemedewe ‘Dahme kahrehda aramas kin mehla?’”—Kilel 8-14; Rom 5:12.
Koperment Me Pahn Wahdo Paradais
◼ “Aramas tohto kin kasikasik kamwahulahn kahpwal akan me wiawi rahnwet. Ke lemeleme pahn mie koperment ehu me pahn kak kamwahuwihala kahpwal pwukat?”—pali 3, par. 1; Madiu 6:9, 10.
◼ “Ke pahn utung koperment ehu me pahn inoukihong uhk me ke pahn ahneki peren mehlel ni ahnsou kohkohdo?”—pali 31; Kaudiahl 21:3-4.
◼ “Dahme ke lemeleme pahn wiawiong sampah ma Sises pahn kaunda sampah?”—pali 29, par. 2-6; Aiseia 11:6-9.
“Look! I Am Making All Things New”
◼ “Wasa koaros nan sampah, aramas kin raparapahki mour mwahu. Dahme ke lemeleme pahn anahne wiawi pwe sampah en duwehla kilel wet?”—Kilel ni kilin brochure; Aiseia 9:6, 7.
◼ “Aramas tohto kin ouramanih irail en mih nan paradais. Ke lemeleme mie mehkot kitail kak wia pwehn kaunopada ong mour soutuk nan paradais?”—pali 29; Kolose 3:10, 12-14.
◼ “Aramas tohto kin pwunodki duwen lalaudlahn tiahk samin nanpwungen me pwulopwul akan. Ke wehwehki me mahs mahsie Pwuhk Sarawi kohpada duwen irair wet?”—p. 25; 2 Tim. 3:1-3.
[Kilel nan Pali 3]
Nan insert wet, ke pahn kilang soangsoangen padahk kan me ke kak doadoahngki ong kihla brochure kan. Ke kak kawekila padahk pwukat pwehn mwahu ong aramas akan nan ahmw wasahn kalohk. Ke kak pil doadoahngki padahk teikan likin padahk pwukat. Ke kak doadoahngki iren sawas kan sang padahk kan me kileledi nan insert wet ong wiahda pein ahmw padahk kan.—Tehk Atail Doadoahk Ong Wehio en January 2005, pali 8.