Dahme Kitail Kak Koasoia Duwen Makisihn kan

KAHN IROIR

PAKPAKAIRKI WEHIN SIOHWA

June 2005

“Ekei pak, kitail kin rong nuhs en aramas emen wiahda manaman ehu. [Kihda karasepe ehu.] Ekei aramas kin kamehlele soangen nuhs pwukat. Ekei sohte kin mwadang kamehlele soangen nuhs pwukat. Makisihn wet kin kasalehda ma manaman kan nan Paipel uhdahn wiawi oh ma soangen manaman pwukat kak wiawi rahnwet.” [Wadek Seremaia 32:21.] “Se kin perenki kihong aramas me kin perenki sukuhliki duwen Paipel nait makisihn kan. Ma ke men kihda ahmw kisin sawas ong doadoahk wet me wiawi wasa koaros nan sampah, I pahn perenki ale ahmw sawas.”

The Watchtower June 15

“Pali moron en kitail kin wia doadoahk en mwohni pali laud en atail mour. Ekei kin nda me met kapai ehu; a ekei kin nda me met wia keria ehu. Dahme ke lemeleme? [Mweidohng en sapeng. Mwurin mwo, wadek Eklesiasdes 2:​24.] Makisihn wet kin kasalehda iaduwen Paipel kak sewese kitail en ahneki madamadau toupahrek ong wia doadoahk en mwohni. E kin pil kihda sawas ong kahpwal akan me pwarada nan wasahn doadoahk.”

Awake! June 22

“Ke lemeleme atail wasahn kousoan pahn mwahu ma aramas koaros kin kapwaiada mahsen kan me kileledi nan iren Paipel wet? [Wadek Episos 4:​28. Mwurin mwo, mweidohng en sapeng.] Makisihn wet kin kasalehda dahme emen emen kitail anahne pwain pwehki pirap nan sidohwa kan. E pil kin kasalehda me pirap nan sidohwa, iangahki wiewia suwed teikan, sohte pahn pwurehng wiawi ni ahnsou kohkohdo.”