Koasoandi En Service Meeting
Wihk me Tepida August 14
15 min: Pakair kan en sahpwet. Koasoia duwen “Prokram Kapw en Kapokon en Rahn Tohrohr.” Pakairki duwen rahn me Kapokon en Rahn Tohrohr pahn wiawi. Koasoanehdi kamwomwada pwehn kasalehda iaduwen kitail kak kihla Kahn Iroir en August ni atail doadoahngki padahk ni pali 8 de pil ehu padahk me mwahu nan ahmw wasahn kalohk oh kasalehda dahme kitail kak nda ahnsou me kitail pwurehng pwurala rehn aramas akan de kohla rehn aramas me kin perenki wadek neitail makisihn kan pwehn kak kihong irail makisihn kapw kan.
15 min: “Kihseli Makisihn Tohrohr en Awake! nan September.”a Ni brother me wia pwais wet pahn wia parakrap 4, e pahn koasoanehdi ehu kamwomwada mwotomwot en emen pwulopwul ah pahn kihla makisihn en Awake! en September ong ah sounpadahk.
15 min: Ni Ahl Dah Me Ahmw Karanih Iengomw Tohnsukuhl akan Pahn Nohn Daulihala? Emen brother pahn wia padahk wet oh tohnmwomwohdiso pahn iang koasoia ire kan me poasoanda pohn Awake! en April 2006, pali 17-19. Luhke irail tohnmwomwohdiso me tikida nan peneinei en Kristian en kasalehda iaduwen arail pahpa oh nohno kin kaunopada irail en powehdi kahpwal akan oh doadoahngki kaweid en Paipel nan sukuhl. Brothero pahn kak koasoanehdi mwowe pwe emen de riemen kak pasapeng.
Koul 72 oh kapakap.
Wihk me Tepida August 21
10 min: Pakair en sahpwet oh ekei pakair kan sang Atail Doadoahk Ong Wehio. Brother me wia pwais wet pahn koasoia duwen “Prokram Kapw en Kapokon en Circuit,” oh pakairki rahn me Kapokon en Circuit pahn wiawi ma e dehde iahd met pahn wiawi.
12 min: Kapai kan Kitail Kin Alehdi Sang Onop en Kahn Iroir oh Mihding ong Wehipokon. Padahk oh tohnmwomwohdiso pahn iang koasoia ire kan sang Organized to Do Jehovah’s Will, pali 59 lel sawaspen oaralap ni pali 64. (Kilang km 7/06 p. 3-5.)
20 min: “Wiahda Ahmw Koasoandi en Auxiliary Pioneer Ahnsouwet!” Emen brother pahn wia padahk wet oh tohnmwomwohdiso pahn iang koasoi. Brothero pahn kangoange sounkalohk kan en wiahda arail mehn akadei en Auxiliary Pioneer sounpwong ehu nan pahr en kalohk ehu. (1 Korint 9:26) Ekei kakete pilada sounpwong ieu me pahn mie doadoahk tohrohr ieu de sounpwong ieu me mie holiday ieu de imwin wihk limau. Idek rehn tohnmwomwohdiso kan: “Iaduwen ke kin powehdi mehn kerempwa akan pwehn ken kak Auxiliary Pioneer? Kapai dah kan kin kohsang doadoahk en Auxiliary Pioneer? Ma ke ahneki ineng en Auxiliary Pioneer ahpw ke kin ekis pweiek, dahme kahrehda ke anahne kapakap? (Wiewia 4:29; 2 Korint 4:7; Seims 1:5) Dahme kahrehda e pil pahn mwahu en koasoiaiong ahmw peneinei oh meteikan nan mwomwohdiso duwen met, oh mehlel rehn irail akan me kin ahneki soangen irair akan duwehte iuk? (Lepin Padahk 15:22) Iahd ke pahn iang doadoahk en Auxiliary Pioneer?”
Koul 39 oh kapakap.
Wihk me Tepida August 28
10 min: Pakair kan en sahpwet. Wadek ripoht en mwohni oh donation acknowledgments. Katamanki sounkalohk kan en kapedolong neirail ripoht en kalohk en August. Doadoahngki sawas kan ni pali 8 de padahk teikan me mwahu ong ahmw wasahn kalohk, koasoanehdi kamwomwada pwehn kasalehda iaduwen kitail kak kihla Watchtower en August 15 oh Awake! en August.
15 min: Ke Kak Wiahla Utupen Kangoang ong Meteikan. (Rom 1:11, 12) Emen brother pahn wia padahk wet oh tohnmwomwohdiso pahn iang koasoi. Koasoiahda duwen sounkalohk depe me iang doadoahk en Regular Pioneer nan mwomwohdiso. Kawehwehda ahl akan me kitail kak kangoange irail, duwehte sang ni atail kin kapinga irail, koasoiong irail duwen kapai kan en doadoahk wet, luhke irail ong mwenge, oh sewesehkin irail mwohni en mehn peidaid. Luhke Regular Pioneer kan en koasoiahda duwen ni ahl akan me meteikan kin kangoange irail. Ma sohte Regular Pioneer kan nan mwomwohdiso, kak koasoiahda iaduwen kitail kak kangoange irail akan me kin Auxiliary Pioneer.
20 min: “Iaduwen Ke Kak Tepida Onop en Paipel Rehn Aramas akan.” Padahk oh kamwomwada. Nan sounpwong en September kitail pahn nantiong tepiada onop en Paipel kapw kan ni ahnsou me kitail pahn tepin tuhwong aramas akan, oh kitail pahn doadoahngki pwuhken Loalokong. Met kin wehwehki me kitail pahn tepida koasoiapene rehn tohnihmwo ekei parakrap kan ni ahnsou me kitail pahn kihong tohnihmwo pwuhko. Doadoahngki oaralap kan me kin mwahu ong wasahn kalohk, oh koasoanehdi kamwomwada siluh ong iaduwen kitail kak tepida onop en Paipel rehn aramas akan. Oh pil, kasalehda iaduwen kitail kak koasoanehdi rehn tohnihmwo en pwurala reh oh pousehla koasoi en Pwuhk Sarawi.
Koul 16 oh kapakap.
Wihk me Tepida September 4
10 min: Pakair kan en sahpwet.
15 min: Anahn en sahpwet.
20 min: “Kasalehda Atail Nsenohki Aramas—Ni Atail Pahn Kalohk ong Aramas Sohte Lipilipil.”b Ni ahnsou me brother me pahn wia pwais wet pahn koasoi duwen Rom 1:14, me kileledi ni imwin parakrap 2, oh pil koasoi ni mwotomwot duwen ire kan sang pwuhken Insight, Volume 1, pali 255, keieun parakrap pahnangin oaralap “Barbarian.” Mwurin koasoi duwen parakrap 3, kousapahlih kahk siluh me kileledi nan pali 2 en kisin pwuhk me oaralap koasoia Good News for People of All Nations, oh wia kamwomwada ong iaduwen kitail kak doadoahngki pwuhk wet rehn aramas akan nan atail wasahn kalohk me kin doadoahngki lokaia ieu me weksang sapwatail.
Koul 97 oh kapakap.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.