Koasoandi En Service Mihding
Wihk me Tepida February 11
10 min: Pakair kan en sahpwet. Ni Ahmw doadoahngki padahk kan en pali 8 de padahk teikan me mwahu nan ahmw wasahn kalohk, kamwomwada iaduwen kitail kak kihla Watchtower en lokaiahn wai en February 1 oh Awake! en February.
15 min: Kaunopada en Kihla Makasihn Kapw. Koasoakoasoipene nanpwungen tohnmwomwohdiso. Mwurin kousapahlih ekis Kahn Iroir en February 2008, idek rehn tohnmwomwohdiso mehnia artikel kan me aramas nan wasahn kalohk pahn perenki wadek oh pwekida. Luke tohnmwomwohdiso en koasoia ire kesempwal kan nan artikel kan me re pilahn en doadoahngki. Soangen peidek dah me kitail kak doadoahngki pwehn tepida koasoiong tohnihmwo? Mehnia iren Paipel nan artikelo me kitail kak wadek? Ni ahmw pahn doadoahngki padahk kan en pali 8, kamwomwada iaduwen kitail kak kihla Kahn Iroir en February.
20 min: Sewese me Kapw kan en Kekeirda nin Duwen Sounkalohk. Mwurin tepin koasoi me ke pahn wia me mwotomwot sang minit ehu, tepida ahmw padahk ni mwomwen peidek oh pasapeng me poahsoanda sang Kahn Iroir en May 1, 2006, pali 11, oh doadoahngki peidek kan me kileledier. Mwurin ahmw pahn koasoia parakrap 18, wia kamwomwada ehu me pid duwen tohnihmw men me kasalehda eh uhwong sounkalohk kapw men me iang sounkalohk koahiek men. Pasapeng en sounkalohk kapwo sohte nohk mwahu, oh tohnihmwo kauhdi ara koasoakoasoi. Mwurin ara mweselsang ni ihmwo, sounkalohk koahieko wia eh kaping ong sounkalohk kapwo pwehki eh kin nannanti oh eri, kasalehiong ih iaduwen e kak doadoahngki pwuhken Reasoning pwehn sapeng soangen lokaiahn uhwong kan me tohnihmw akan kakete doadoahngki mwuhr pwehn kauhdi arail koasoakoasoi.
Wihk me Tepida February 18
10 min: Pakair kan en sahpwet. Ekei pakair kan sang Atail Doadoahk Ong Wehio.
10 min: Anahn en sahpwet.
25 min: “Mehn Kadehde Ieu en Pwoson Kehlail!”a Sounapwalih en kalohk pahn wia met. Kaimwisekihla ehu kousapahl en kangoang me pid duwen soahng kan me mwomwohdiso kapwaiada erein pahr en kalohk me ahpwtehn nek.
Wihk me Tepida February 25
10 min: Pakair kan en sahpwet. Katamankihong sounkalohk kan en kapidelong neirail ripoht en kalohk en February. Wadek ripoht en mwohni oh kisinlikou sang Society me kasalehda kalahnganki sawas me mwomwohdiso kihda. Wia kamwomwada me pid iaduwen en doadoahngki doaropwehn luhk ong Kataman pwehn luke emen tohnpeneinei de mehn mpomw.
20 min: “Tamataman Tomwo ni Kalahngan.”b Ma mie ahnsou, luke tohnmwomwohdiso en iang koasoia duwen iren Paipel kan me kileledi.
15 min: Ke Kak Doadoahk Wasa me Anahn Laud Mie? Wia padahk oh luke tohnmwomwohdiso en iang koasoia ire kan me poahsoanda sang Kahn Iroir en February 1, 2004, pali 16. Ekei ire kan me pahn pwarada pahn poahsoanda sang pwuhken Organized, pali 111, parakrap 1, lel pali 112, parakrap 1. Wia interview ni mwotomwot rehn irail kan me keseula wasa me anahn laud mie. Soangen kahpwal dah irail lelohng, oh iaduwen irail powehdi mepwukat? Kapai dahkei me irail aleier?
Wihk me Tepida March 3
10 min: Pakair kan en sahpwet. Kousapahlih ire kesempwal kan sang “Mehn Kataman kan en Katamano.”
20 min: Ke Kak tapihada wia onop Paipel nan March? Tohnmwomwohdiso pahn iang koasoia ire wet. Erein sounpwong en March kitail pahn kihla pwuhken Kupwurki pwehn tepida wia onop Paipel rehn tohnihmw akan. Kousapahlih ekei ire kesempwal kan me kohsang nan pwuhko. Koasoia duwen iaduwen kitail en tapihada ehu onop Paipel rehn irail akan me perenki rong oh alehier doaropwehn luhk ong Katamano, ni ahnsou me kitail pwurala rehn emen me kitail kihla makasihn reh, oh ni ahnsoun kalohk en ihmw lel ihmw mwurin March 22. (Kilang km 4/99 p. 8, par. 6; km 1/05 p. 5; km 1/02 p. 4.) Kasalehda ehu de riau kamwomwada me pid iaduwen en wia met.
15 min: Doadoahngki Paipel ni Ahnsou me Ke Pahn Sapeng Peidek kan. Padahk pahn wiawi oh tohnmwomwohdiso pahn iang koasoia ire kan me poahsoanda sang pwuhken Ministry School, pali 143-4. Kamwomwada mwotomwot ehu pahn wiawi me pahn kasalehda iaduwen sounkalohk men kin doadoahngki Paipel pwehn sapengla peidek me tohnihmw kan kin kalapw idek nan wasahn kalohk.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.