Koasoandi en Service Mihding
Wihk me Tepida July 14
10 min: Pakair kan en sahpwet. Ni ahmw doadoahngki padahk kan en pali 4 de padahk teikan me konehng nan ahmw wasahn kalohk, kamwomwada iaduwen kitail kak kihla Kahn Iroir en July 1.
15 min: Ke Kin “Eimah en Koasoakoasoi”? Padahk pahn wiawi poahsoankihda The Watchtower en lokaiahn wai en May 15, 2006 pali 13-16. Kasalehda ni sansal kesempwalpen kalohk ni eimah.
20 min: “Kitail Kin Kauwehla Mahsen en Widing kan me Aramas Kin Kamehlele.”a Luke tohnmwomwohdiso en iang koasoiapene iaduwen aramas me wia onop Paipel rehrail ni kanengamah sewese irail en kesehla dahme irail kamehlele mahs.
Wihk me Tepida July 21
10 min: Pakair kan en sahpwet. Ekei pakair kan sang Atail Doadoahk Ong Wehio. Katamankin tohnmwomwohdiso en wahdo Kahn Iroir en August 1 oh Awake! en August ong Service Mihding wihk kohkohdo oh kaunopada en koasoia duwen padahk kan me konehng wasahn kalohk.
15 min: Anahn en sahpwet.
20 min: “Kaunopada Mwahu Pahn Seweseiuk en Pweida ong Pwurehng Pwurala Rehn Aramas.”b Iangahki ehu kamwomwada me reireiki minit pahieu me emen sounkalohk kaunopada en pwurehng pwurala rehn aramas. E kousapahlih nah doaropwe oh koasoanehdi me e pahn anahne pwurala rehn meh riemen nan imwin wihk wet. En tehkada dahme e koasoia mwowe ong emenemen ira, koasoanehdi eh mehn akadei oh kaunopada iaduwen e kak kapwaiada eh mehn akadei. Ong emen e kaunopada en tepihada wia onop en Paipel. Ong meteio, e sewese en kakairada eh men rong ni eh doadoahngki iren sawas kan sang parakrap 5.
Wihk me Tepida July 28
10 min: Pakair kan en sahpwet. Katamankin koaros en kapidelong neirail ripoht en kalohk en July. Wadek ripoht en mwohni oh kisinlikou sang Society me kasalehda kalahnganki sawas me mwomwohdiso kihda. Koasoia pwuhk kan me kitail pahn kihla nan August, oh kamwomwada iaduwen kitail kak kihla.
20 min: “Lokaiahn Kaping Kin Kakehlailih Kitail.”c Ma mie ahnsou luke tohnmwomwohdiso en iang koasoia iren Paipel kan me kileldi.
15 min: Kaunopada en Kihla Makasihn Kapw kan. Tohnmwomwohdiso pahn iang koasoia ire wet. Mwurin kousapahlih ekis duwen Awake! en August oh Kahn Iroir en August 1 idek rehn tohnmwomwohdiso mehnia artikel me mwahu ong aramas nan wasahn kalohk oh pwekida. Luke tohnmwomwohdiso en iang koasoiapene ire kan nan artikel me re pilahn en doadoahngki. Soangen peidek dah en idek pwehn tepihada koasoi? Iren Paipel dah nan artikelo me re pahn wadek? Doadoahngki ehu padahk sang Atail Doadoahk Ong Wehio de padahk kan me tohnmwomwohdiso kihda, kamwomwada iaduwen kitail kak kihla makasihn.
Wihk me Tepida August 4
10 min: Pakair kan en sahpwet.
15 min: Noumwail Seri kan Kaunopadahr en Powehdi Kahpwal kan nan Sukuhl nin Duwen Kristian Men. Padahk pahn wiawi oh tohnmwomwohdiso pahn iang koasoi. Kasalehda ekei kahpwal kan me Kristian pwulopwul kan kin lelohng nan sukuhl. Kawehwehda iaduwen pahpa oh nohno kan oh neirail seri kan en doadoahngki Index en Sawaspen Paipel kan pwehn diarada iren sawas kan. Kihda ekei karasaras kan. (Kilang oaralap “Sukuhl,” sawaspen oaralap “ekspiriens.”) Luke irail tohnmwomwohdiso me tikida nan peneinei en Kristian en iang koasoiapene iaduwen arail pahpa oh nohno kan kaunopada irail en powehdi kahpwal kan oh doadoahngki kaweid en Paipel nan sukuhl. Re kak koasoia duwen doaropwe en sukuhl kan me re kin doadoahngki sang nan Awake! Mweidohng ren kawehwehda iaduwen ar kalohk ong iengerail tohnsukuhl kan nan wasahn sukuhl kin wia pereparail.
20 min: “Pahpa oh Nohno kan—Sewese Noumwail Seri kan en Ese Koahiek en Madamadau.”d Emen elder me pahn wia padahk. Mwurin koasoiapene parakrap 5, wia ehu kamwomwada me kasalehda iaduwen peidek me pahpa oh nohno kihda kak kamwakid madamadau en neirail seri oh sewese ih en pein wiahda pilipil pwung. Serio lelohng kahpwal ehu me pwulopwul kan nan mwomwohdiso kin kalapw lelohng. Ni tepio eh pasapeng kan kasalehda me eh madamadau sohte pwung. Ni kanengamah eh pahpa oh nohno koasoiong serio en kihda eh pepehm, doadoahngki peidek kan me pahn kak sewese ih pein medewehda. Imwilahn met serio pein wiahda pilipil mwahu ehu me poahsoankihda kaweid en Paipel.
[Nting tikitik me mi pahs]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
c Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.
d Tepin koasoi pahn mwotomwot sang minit ehu, oh mwurin mwo, peidek oh pasapeng kan pahn wiawi.