Wihk Me Tepida January 25
WIHK ME TEPIDA JANUARY 25
□ Onop en Paipel en Mwomwohdiso:
bh Irelaud 1 par. 1-5 iangahki pali 3-7
□ Sukuhl ong Sapwellimen Koht Doadoahk:
Wadawad en Paipel: Sounkopwung 5-7
No. 1: Sounkopwung 7:1-11
No. 2: Ihs “Lihen Netiki Paliwere Ndand Meno” me Kileldi nan Kaudiahl 17:1?
No. 3: Sises Pwoula Nin Lohpwu? (rq iren mehn kasukuhl 11 par. 6)
□ Mihting en Kalohk:
5 min: Pakair kan.
10 min: Pwuhk me kitail pahn kihla nan February. Ni mwotomwot kousapahlih ire kan nan pwuhk me kitail pahn kihla nan sounpwongo. Wia ehu kamwomwada me kasalehda emen sounkalohk pwulopwul kalohk ni ahnsou sohte lipilipil pwehn kihla pwuhko oh tapiada onop en Paipel.
20 min: “Ke Kin Kapwakapwande?” Peidek oh pasapeng kan. Emen elder pahn wia padahk wet. Wia ehu kamwomwada me kasalehda emen sounkalohk eh kawehwe duwen kahrepen neitail doaropwehn DPA oh padahkihong eh toahkteo en kihong nah doaropweo nan nah pwuhk en imwen wini. Toahkteo inoukihong sounkalohko me e pahn wia met. Wadek kaimwiseklahn parakrapo ni imwin padahk wet.