Ke Kamwomwada Wiepen Onop ni Tepin Omw Tuhwong Tohnihmwo?
Ni omw kin luke emen en onop Paipel, ekei tohnihmw kan kin nda me re sohte men de me irail kin onop Paipel ni arail sarawio. Pwehki ihte me re ese iei mwomwen arail kin onop Paipel ni arail sarawio, irail sohte ese ia uwen arail kak kalaudehla arail wehwehki Paipel oh ia uwen peren me re kak alehdi ma irail pahn onop Paipel rehtail. Eri, ke sou doadoahngki minit kei pwehn kamwomwada wiepen onop en Paipel ni tepin omw tuhwong irail a kaidehn ihte luke tohnihmwo en onop? Pwehn karasahda, ke sohte pahn ndaiongte aramas me kowe sounkuk mwahu men oh me ke pahn ahpw pwurodo mwuhr oh wahdohng irail mwenge me ke wiahda. Kihongehr irail mwenge me ke wiadahr ren song ni ahnsowohte! Iet mwomwen omw pahn wia ni minit kei ni omw pahn doadoahngki sawas me kohsang pali 6 en Atail Doadoahk ong Wehio, July 2009:
“Ia omw madamadau, ehu rahn, iren Paipel wet pahn uhdahn pweida?” Wadek Aiseia 33:24 oh mweidohng tohnihmw en sapeng. Eri, ke kak nda: “I pahn kasalehiong uhk mehkot duwen ire wet.” Kihong ih pwuhken Paipel Padahngki oh kasalehiong ih parakrap 22 nan pali 40. Wadek peidek me mi pah oh idek rehn tohnihmwo en kilangada pasapeng ni omw pahn wadek parakrapo. Eri, pwurehng idek peideko oh rong en tohnihmwo eh pasapeng. Wadekpene pil ehu iren Paipel. Kihda ehu peidek me pahn pasapengla ni omw pahn pwurehng pwurodo oh koasoanehdi ahnsou me ke pahn pwurala reh. Met ke tapihadahr ehu onop en Paipel!