Kisin Wiepen Padahk kan

Tapiada Onop en Paipel ni Tepin Rahn Kaunop nan December

Kihong tohnihmwo doaropwe me koasoia Ke Sou Men Esehla Duwen Padahk Mehlel? oh kasalehiong peidek kan me mi ni pali keieu. Kowe nda: “Iet peidek mwahu kei me Paipel kin sapengala. Mie pak ke kin wia peidek pwukat?” Mwurin ar sapeng, kumwa kak koasoiapene pasapeng ong ehu eh peidek ko oh wadek ehu iren Paipel me kileldi loale. Koasoanehdi ken pwurala oh kumwa koasoiapene pil ehu peidek nan doaropweo.

Kahn Iroir November 2011

Kasalehiong tohnihmwo kilin Kahn Iroir oh idek, “Ia omw pepehm ma ke esehda me emen kin pitihkinuhk likamw ehu duwen Koht? [Rong pasapeng.] Kilang dahme Sises ketin mahsanih duwen atail pahn kak esehda me mehlel sang ni me likamw. [Wadek Sohn 17:17.] Eri, Paipel kelehpw kin padahkihong kitail dahme mehlel duwen Koht. Kahn Iroir wet kin koasoia duwen ire likamw limau duwen Koht me kin kalapw pwarada oh dahme Paipel mahsanih duwen met.”

Kahn Iroir November 2011

“Pwehki apwal laud me mi nin sampah, aramas tohto kin pehm me Koht sohte kin ketin nsenohkin aramas. Ia omw pepehm ong met? [Rong pasapeng.] Paipel kasalehda me Koht uhdahn ketin nsenohki emenemen kitail. [Wadek 1 Piter 5:7.] Kahn Iroir wet pahn sewese kitail en esehla dahme mehlel duwen Koht sang nan Paipel.”