Ehu Ahl Mwahu en Doadoahngki Koul en Wehin Koht

Sapwellimen Koht ladu kan kin wiahki koul kisakis kaselel ehu sang rehn Siohwa. (Seims 1:17) Mwomwohdiso tohto kin doadoahngki ni ngihl tikitik ngilen keseng en Koul en Wehin Koht mwohn oh mwurin arail mihting kan. Doadoahngki keseng iei ahl en kameleilei oh kasamwo aramas nan mihting kan. E kin sewese kitail en kaunopada atail madamadau ong kaudok. Patehng met, doadoahngki ngilen koul kapw kan sang neitail pwuhken koul kin sewese kitail en esehla koul kan oh koulki ni pwung. Doadoahngki soangen keseng pwukat mwurin mihting kin sewese aramas akan ren perenki werekpene me kin kangoange emenemen. Eri, pwihn en elder kan anahne koasoanehdi en doadoahngki Koul ong Siohwa ni Ngilen Piano (Sing to Jehovah—Piano Accompaniment) mwohn oh mwurin mihting. Re anahne koasoanehdi uwen laud en ngilen keseng pwe en dehr kerompwa irail kan me wie koasoakoasoi.