Dahme Ke Pahn Wia Erein Rahn en Kommoal kan?

Pwehki aramas tohto kin mi ni imwarail erein rahn en kasarawi kan, ahnsou pwukat kin kalapw wia ahnsou mwahu ong kitail en iang kalohk. Mwomwohdiso kak wia koasoandi tohrohr ong kalohk ni rahn en kommoal. Ma aramas tohto nan wasahn kalohk pahn pwand en pwourda, e pahn mwahu en wekidala ahnsou ong tuhpenehn kalohk. Pakair ehu pahn wiawi ni Mihting en Kalohk pwehn kehsehki tohnmwomwohdiso duwen koasoandi tohrohr ong kalohk ni rahn en kommoal oh kangoange koaros me kak ren iang towehda. Mehlel, rahn en kommoal pil kihong kitail ahnsou pwehn kommoal de apwalihala atail anahn akan. Ahpw ke sou pil koasoanehdi ekis ahnsou rahno ong kalohk ? Eri, ke pahn nsenamwahuki omw iang sapwellimen Koht doadoahk.​—Mad. 11:29, 30.