“I Pwarodo Wasaht Pwehki . . . ”

Ni tohnihmw ritingada wenihmw oh kilang kitail kesikesihnen mwo, ele e pahn men ese ihs kitail oh kahrepen atail pwarala mwo. Dahme kitail kak nda nan tepin atail koasoi pwe tohnihmwo en dehr pwunodki atail pwarala? Mwurin arail rahnmwahu, ekei sounkalohk kan kin doadoahngki lepin lokaia “pwehki” pwehn kawehwehda kahrepen arail pwarala. Karasepe, mwein re pahn nda: “Se pwarodo amwail wasa pwehki aramas tohto kin pwunodki duwen mwersuwed me kin wiawi. Ia omw madamadau? Ke leme . . . ” de “I pwarodo rehmwi pwehki se kin kihda onop en Paipel ni soh isepe.” Ma ke pahn kawehwehiong tohnihmwo kahrepen omw pwarala mwo, ele e pahn perenki rong dahme ke pahn koasoia.