Kalaudehla Atail Koahiek nan Doadoahk en Kalohk​—Kaunopada Atail Tepin Koasoi

Dahme Kahrehda E Kesempwal: Ma atail tepin koasoi sohte kin kamwakid tohnihmw en men rong, tohnihmwo ele pahn kauhdi atail koasoi mwohn atail pahn kasalehda atail padahk. Ihme kahrehda,tohto sounkalohk kan kin medewe me arail tepin koasoi me keieu kesempwal nan arail padahk. Mendahki kisin wiepen padahk kan kin kohda nan Atail Doadoahk ong Wehio oh kisin pwuhken Koasoiapene Paipel, padahk pwukat sohte kin kalapw kasalehda atail tepin koasoi pwon pwehn mweidohng kitail en wekidala atail koasoi. Mehnda ma kisin wiepen padahk ehu kin kasalehda atail koasoi pwon, sounkalohk kan ele pahn pilada en wekidala arail koasoi de kaunopada arail padahk ni pein arail koasoi. Ihme kahrehda kitail pahn pweida mwahu ma kitail kin kaunopada mwahu atail tepin koasoi oh kitail dehr ndahla dahme kitail medewehte ni ahnsou me tohnihmwo pwarada.​—Lep. Pad. 15:28.