Doadoahngki jw.org nan Omw Kalohk​—“Become Jehovah’s Friend”

Wasa me nda “Bible Teachings” nan jw.org mie wasa ieu ong seri me koasoia “Become Jehovah’s Friend” me iangahki koul, kasdo, oh soahng kan me seri kan kak wia. Ke doadoahngkihier wiepe wet nan omw kalohk? Ma ke kin wia onop en Paipel rehn pahpa de nohno men me mie nah kisin seri, ke sou kasalehiong ih met? Met pahn kak kamwakid ih en men tehk wasa teikan nan neitail Web site wet.

Ni ahnsou me e kihseli Kingdom News No. 38, emen brother tuhwong lih emen me tepida wadek kisin doaropweo ni ahnsowohte me e kihong ih. Mie nah kisin seri kei me men ese duwen kisin doaropweo. Brothero koasoiaiong ih ni mwotomwot audepen kisin doaropweo oh kasalehiong ih neitail adres en Web site me mi mwurin kisin doaropweo. Pwehki liho kasalehda me e men rong, e ahneki ahnsou mwahu en kasalehda ehu kasdo en Caleb ko ong ih oh nah seri ko, nan dipwisou me kak kilang kasdo loale me e kin weuwa.

Sister men padahkihong ienge tohndoadoahk men me naineki kisin seri duwen neitail Web site oh ire kan me mi loale kin pid peneinei kan. Liho oh nah seri ko eri rapahkihda oh kilang nan jw.org. Mwuhr, e padahkihong sistero me nah seri ko kin kohseli nan imwarailo kokoulki “Preach the Word,” ehu koul ko sang “Become Jehovah’s Friend.”

Esehla doadoahngki wiepe wet nan jw.org oh kihong kasdo, koul, oh soahng kan me ke kak wia nan dipwisou me kak kilang kasdo loale me ke kin weuwa. Eri ke pahn onopadahngehr en doadoahngki pali wet nan jw.org nan kalohk. Ia uwen kesempwal en mehn doadoahk wet eh pahn sewese kitail en wia ladun Kauno!​—Wiewia 20:19.