Koakon En Peidek

◼ Iahd me konehng kitail en uhdihsang onop Paipel rehn emen?

Ma tohnsukuhl en Paipel men uhdihsang eh kekeirda en onop Paipel, ele ke pahn anahne ni kadek uhdihsang onop Paipel reh. (Mad. 10:11) Medemedewe: Ia duwe, e kin kapwaiada amwa koasoandien ahnsoun onop? E kin kaunopada audepen iren onopo mwohn amwa pahn onop? Mie pak me e iang towehda ekei mihting en mwomwohdiso kan? E kin ehukihong meteikan dahme e kin sukuhlki? E kin wiahda wekidekla kan me pahrekiong kaweid kan en Paipel? Ni mehlel, tamataman me emenemen kitail kin wekpeseng mwomwen atail kekeirda, eri pil medewe duwen eh koahiek oh sounpar. Oh pil, ma ke uhdihsang amwa onop, padahkihong me ke pahn kaskasikte ma e pahn men pwurehng pousehla eh onop ni ahnsou kohkohdo.​—1 Tim. 2:4.