Atail Pwais Kaselel en Kauwada oh Apwalih Wasa kan ong Kaudok Mehlel

Kokoudahn tehnpaso nan Israel anahne doadoahk laud oh mwohni. Ahpw, mehn Israel kan ngoangki utung doadoahk wet. (1Kron 29:2-9; 2Kron 6:7, 8) Mwurin kokoudahn tehnpaso imwisekla, mwomwen ahn mehn Israel kan kin apwahpwalih tehnpaso kin kasalehda ma re kin ahneki nanpwungmwahu rehn Koht de soh. (2Nan 22:3-6; 2Kron 28:24; 29:3) Rahnwet, Kristian kan kin kihla ahnsou laud oh doadoahk laud pwehn kauwada, kamwakele, oh apwalih Wasahn Kaudok kan oh Wasahn Mihting Tohrohr kan. Ahpw, en iang Siohwa doadoahk ni ahl wet wia pwais me inenen kaselel me kitail ahneki oh pil wia kisehn atail papah ih.​—Mel 127:1; Kaud 7:15.

KITAIL KAK SAWAS NI ATAIL PAHN. . .

• Kamwakelehda limwahn atail sehr kan oh koasoanehdi mwurin mihting koaros.

• Kaukaule iang kamwakele oh apwalih Wasahn Kaudok. Doadoahk kin kaperen oh marahra ma tohto kin iang.​—lv 105 par. 18.

• Kihda sawas en mwohni. Sawas me duwehte ‘kisin sens toantoal riau’ sang nan mohngiong pil kin kaperenda Siohwa.​—Mark 12:41-44.

• Toukihda pein kitail ong sawas ni kokoudahn de onohnsapahl en ihmw akan me kin kadoadoahk ong kaudok ma atail irair kakohng. Ke sohte anahne ahneki koahiek en kokou ihmw pwehn iang doadoahk wet.