Ohl Lelepek Sohp Kasalehda Eh Lokolok Laud

Sohp lelohng paisuwed, pahtou, oh soumwahu laud, ahpw e kolokolete eh lelepek. Eri Sehdan song en doadoahngki soahng kan me pahn kaluwetehla ih pwehn kauwehla eh lelepek. “Kompoakepah” silimen kohdo reh. Keieu, re kin mwomwehda me re poakehla Sohp mwohn mesen aramas akan. Irail eri mwohndi rehn Sohp oh sohte koasoiong ih rahn isuh, sohte mwahn pil koasoiaiong mehkot me pahn kansenamwawihala. Mwuhr re kin wia koasoi kan me lemei oh kin kauwe Sohp.

Sohp kolokolete eh lelepek ong Siohwa mendahki kasongosong apwal akan

6:3; 7:16; 9:20-22; 10:1, 12

• Pahtou laud me kahrehiong Sohp en ahneki madamadau sapwung. E ahnekihda madamadau sapwung me dene Koht sohte ketin nsenohki ma e kolokolete eh lelepek

• Pwehki soahng kan me kaluwetehla eh pwoson, Sohp sohte medewe soangen kahrepe teikan me kahrehda eh mihla nan lokolok

• Mendahki eh pahtou laud, Sohp kin koasoiaiong irail kan me kin kauwe ih duwen eh poakohng Siohwa