Ke Kak Song Wia Met Erein Sounpar Ehu?

Song wia dah? Doadoahk en pioneer. Ia uwen kaselel en kapai kan me ke pahn alehdi!​—Lep Pad 10:22.

MA KE IANG PIONEER, KE KAK . . .

• koahiekla nin duwen sounkalohk men oh kalaudehla omw perenki doadoahk en kalohk

• kakehlakahda omw nanpwungmwahu rehn Siohwa. Ni omw kin kalaudehla omw koasoia duwen ih ong meteikan, met pahn kalaudehla omw kin tamataman duwen sapwellime irair kapwuriamwei kan

• kehn peren me kohsang omw mwohneki mahs doadoahk en Wehio laudsang pein omw kedirepw kan. Ke pahn pil ahneki peren me kin kohsang omw kin kihong omw ahnsou ong sewese meteikan.​—Mad 6:33; Wiewia 20:35

• iang towehda mihting en pioneer erein mwemweit en sounapwalih me kin seiloak, oh ehu mihting me kin wiawi ni ahnsoun mihting tohrohr, oh Sukuhl en Pioneer

• ahneki ahnsou mwahu tohto en tapiada oh wia onop en Paipel rehn meteikan

• kalaudehla ahnsou en ehuong sounkalohk teikan oh paiekihda amwail kangoange emenemen.​—Rom 1:11, 12