Koasoiong Meteikan nan Internet (social network)​—Soikala Kasuwedpe kan

DAHME KAHREHDA E KESEMPWAL: Duwehte pali laud en mehn doadoahk kan, koasoiong meteikan nan internet kak sawas de kahrehda kahpwal. Ekei Kristian kan pilada ren dehr doadoahngki internet pwehn koasoiong meteikan. Pil ekei Kristian kan kin doadoahngki internet pwehn kin koasoiong arail peneinei oh kompoakparail kan. Ahpw Tepilo men kitail en doadoahngki internet ni ahl sapwung, me kak kauwehla atail adamwahu oh atail kin kompoakepahnki Siohwa. Duwehte Sises, kitail kak doadoahngki kaweid en Mahsen en Koht kan pwehn diarada keper kan oh soikala.​—Lu 4:4, 8, 12.

KASUWEDPE KAN KITAIL EN SOIKALA:

• Doadoahngki internet daulihala. Kihong ahnsou laud en doadoahngki internet pwehn koasoiong meteikan kak kauwehla ahnsou mwahu me anahn kitail en doadoahngki ong Siohwa

  Kaweid kan en Paipel: Ep 5:15, 16; Pil 1:10

• Kilang soahng kan me sohte konehng. Kilang kilel kan me kin kamwakid ineng suwed kak kahrehiong emen en sohla kak uhdihsang kilang kilel suwed de iang wia tiahk samin. Wadek soahng me kohsang irail me kesehla oh uhwongada kaudok mehlel de arail website (blog) kak kauwehla en emen pwoson

  Kaweid kan en Paipel: Md 5:28; Pil 4:8

• Kihda koasoi kan de kilel kan me sohte konehng. Pwehki mohngiong me widing, aramas emen ele pahn kihda koasoi kan de kilel kan me sohte konehng nan internet. Ahpw met kak kauwehla en emen eh adamwahu de kahrehiong eh pwoson en luwetala

  Kaweid kan en Paipel: Ro 14:13; Ep 4:29

KILANG KISIN KASDO BE SOCIAL-NETWORK SMART, OH MWURI KOUSAPAHLIH IA DUWEN OMW PAHN SOIKALA SOAHNG PWUKAT: