MOMOUR NIN DUWEN KRISTIAN KEI

Dahme Ke Kak Sukuhlki Sang Kristian Koahiek kan?

Mie riatail kan nan atail mwomwohdiso me kin papah Siohwa erein sounpar tohto. Kitail kak sukuhl sang mwomwen arail kin likih Siohwa. Kitail kak idek rehrail duwen poadopoad en sapwellimen Siohwa pwihn oh ia duwen Siohwa eh ketin sewese irail ren dadaur pahn kahpwal akan. Ele kitail kak lukehdo emen rehn me mah pwukat ong atail Kaudok en Peneinei ni soutik oh peki reh en padahkihong kitail ekei soahng kan me e lelohng.

Ma ke papahkiher Siohwa sounpar tohto, ke pahn men padahkihong Kristian pwulopwul kan duwen ahl akan me Siohwa ketin sewesehkinuhkehr. Seikop oh Sosep ndaiong me pwulopwul kan nan ara peneinei duwen dahme Siohwa ketin wiahiong ira. (Sen 48:21, 22; 50:24, 25) Mwuhr Siohwa ketin kaweidki tapwin peneinei kan ren padahkihong neirail seri kan duwen wiepen nin lime manaman kan. (Deu 4:9, 10; Me 78:4-7) Ni atail ahnsou, pahpa nohno kan oh meteikan nan mwomwohdiso kak padahkihong me pwulopwul kan duwen soahng kapwuriamwei kan me irail kilangehr me Siohwa ketin kapwaiada sang ni sapwellime pwihn.

KILANG KISIN KASDO MAINTAINING UNITY UNDER BAN, OH MWURI SAPENGALA PEIDEK PWUKAT:

Ia duwen ohpis en Sounkadehdehn Siohwa nan Austria eh sewese riatail kan nan ekei sahpw akan me atail doadoahk keinepwdi?
Ia duwen riatail kan nan sahpw pwukat ar kin ahneki pwoson kehlail?
Dahme kahrehda sounkalohk tohto nan Romania kohkohsang sapwellimen Siohwa pwihn oh ia duwen arail pwurodo?
Ia duwen mepwukat eh kakehlakahda omw pwoson?

Kilel kan: Kilel kan sang kasdou ‘Maintaining Unity Under Ban.’ 1. Map ehu me kasalehda sahpw kan me atail doadoahk keinapwdi nan Palimesehn Iurop. 2. Misihn en mimeograph ehu. 3. Brother kan nan Romania pwoalehdi emenemen. — Sukuhlki soahng mwahu kan sang riomw me mah kan me pahn seweseiuk ken kakehlailihala omw pwoson Siohwa!