Kesempwalki Omw Nanpwungmwahu Rehn Siohwa

Sounkadehdehn Siohwa kan ahneki pwais tohrohr ehu. Nin duwen Kristian papidais kei, kitail kin usehlahte kakairada nanpwungmwahu kehlail rehn Kaun Wasa Lapalahpie Siohwa. E ketin kakerenihedo kitail reh sang sapwellime Ohlo. (Soh 6:44) E kin ketin karonge atail kapakap kan.​—Me 34:15.

Ia duwen atail kak pere atail nanpwungmwahu kesempwal rehn Koht? Ehu ahl iei kitail anahne soikala wia soahng suwed kan me mehn Israel ko kin wia. Sohte pwand mwurin ar wiahda inou lap ehu rehn Siohwa, re wiahda koupwul wol kohl men oh tepida pwongih. (Eks 32:7, 8; 1Ko 10:7, 11, 14) Kitail kak pein idek rehtail: ‘Dahme I kin wia ni ei kin lelohng kasongosong en wia me suwed? Ei wiewia kan kin kasalehda me I kesempwalki ei nanpwungmwahu rehn Siohwa?’ Limpoak laud ong Samatail nanleng pahn sewese kitail en tangasang soahng kan me e ketin kalahdeki.​—Me 97:10.

KILANG KISIN KASDO GUARD YOUR RELATIONSHIP WITH JEHOVAH (KOL 3:5), OH MWURI SAPENGALA PEIDEK PWUKAT:

• Dahkot noahrok?

• Dahme kahrehda kitail anahne soikala noahrok oh dikedik kan?

• Ia duwen kamwahl oh dikedik ar dokpene?

• Dahme kahrehda irail me ahneki pwukoa nan sapwellimen Koht doadoahk anahne kin tehk anahn en ar pwoud kan?