Kakehlakahda Omw Likih me Siohwa Pahn Ketin Doareiukala

Wadek Nempe 13:25–14:4 me kasalehda duwen mehn Israel kan ar sohte likih Siohwa.

Kasawih dahme ire kan nan irelaudo koasoia. Dahme kahrehda mehn Israel kan kak kamehlele me Siohwa kak ketin doareirailla ni ar mweselsang Isip? (Mel. 78:​12-16, 43-53) Dahme kahrehiong irail en tepida sohla likih Siohwa? (Deud. 1:​26-28) Ia duwen Sosua oh Kalep ara kasalehda me ira likih Siohwa?—Nemp. 14:​6-9.

Kalaudehla omw ese met. Dahme mehn Israel kan kak wia pwe ren kalaudehla arail likih Siohwa? (Mel. 9:10; 22:4; 78:11) Dahme kin pidada likih Siohwa oh wauneki ih?—Nemp. 14:11.

Medemedewe dahme ke sukuhlki. Pein idek rehmw:

• ‘Soangen irair dah me kak apwal ong ie I en uhdahn likih Siohwa?’

• ‘Dahme I kak wia pwe I en likih Siohwa ahnsou wet oh pil ahnsou kohkohdo?’

• ‘Dahme I kak uhdahn kamehlele ni ahnsou me kahn kamakam kowahlap tepida?’—Luk 21:​25-28.