Poadidi Kelehpw Itar?

Pali laud en pelien lamalam kan, mie towe kan me kin nantihong sewese meteikan. Eri, ma emen kin wia aramas poadidi men oh ahneki mour mwahu, e kesempwal mehnia pelien lamalam me e kin iang?

Nna medewe duwen ohl en Suhs emen me adaneki Sohl. E wiahla emen wahnpoaron en Kristian oh aramas akan kin likwerihki ih Pohl. Mahs e kin wia emen me poadidiong pelien lamalam en mehn Suhs akan. Met kahrehda eh kin song en kasohrehla kaudok en tohnpadahk kan en Krais pwe e kihkihong me arail kaudok sapwung. (Wiewia 8:1-3; 9:1, 2) Ahpw pwehki sapwellimen Koht mahk, Sohl esehda me aramas akan me duwehte ih kak poadidi ong Koht ahpw irail kakete sapwung ma re sohte ese padahk mehlel. (Rom 10:2) Ni ahnsou me Sohl sukuhlki duwen kupwuren Koht oh sapwellime wiewia kan, e wekila oh tepida iang irail kan me e kin kaloke mahso, iei sapwellimen Sises tohnpadahk kan.—1 Timoty 1:12-16.