Soangen Wunahni Koaros kin Wia Mehkot Suwed

Sehdan men ken doadoahngki wunahni. Tohto kin pwongih arail peneinei me melahr akan oh pil eni kan pwehn pere irail sang apwal me kak lelohng irail. Re kin wia met pwehn ireirailsang manaman en ngehn suwed akan. Re pil kin kapwatki dipwisou en wunahni kan me mih ni mwomwen ring de luwou akan. Re kin nim de irihski paliwararail kan “wini” me dene ahneki manaman. Nan imwarail kan de ekei pak nan pwehl, irail kin ekihla soahng kan me re kin kamehlele me pahn wia arail mehn silasil. Ekei aramas kin doadoahngki “wini” pwehki re kamehlele me e pahn kahrehong irail en pweida nan arail pisnes de sukuhl de pwehn kak diar arail pwoud.

Mehn perepe keieu mwahu en pere iuk sang Sehdan iei en kompoakepahnki Siohwa. Siohwa Koht oh sapwellime tohnleng kan inenen kehlail sang Sehdan oh nah ngehn saut akan. (Seims 2:19; Kaudiahl 12:9) Siohwa kin perenki kasalehong kompoakepah kan—irail akan me kin lelepek ong Ih ni unsek​—sapwellime kehl.​—2 Kronikel 16:9.

Mahsen en Koht mahsanih: “Dehr doadoahngki wunahni.” Siohwa kin kalahdeki wunahni pwe wiewia pwukat pahn kak kahrehong emen en mihla pahn manaman en Sehdan me Tepil.​—Lipai 19:26, NW.