Ia Duwen Atail Kak Rong Koht?

Ni atail kin wadek Paipel, e duwehte Koht kin ketin mahseniong kitail. 2 Timoty 3:16

Koht mehlelo ketin padahkihong ohl ekei ren ntingihedi sapwellime madamadau nan pwuhk kesempwal ehu. Pwuhk wet iei Paipel. E audaudkihda ire kesempwal kan me Koht ketin kupwurki ken ese.

Koht ketin mwahngih dahme keieu mwahu ong kitail. Ke pahn uhdahn loalokongla ma ke pahn kin rong ih.​—Lepin Padahk 1:5.

Koht ketin kupwurki aramas koaros ren wadek Paipel. Paipel wiawihda ni soangsoangen lokaia tohto.

Ma ke men rong Koht, ke anahne wadek oh wehwehkihla Paipel.

Wasa koaros mie me kin rong Koht. Madiu 28:19

Sounkadehdehn Siohwa kan kak sewesei iuk ken wehwehkihla Paipel.

Nin sampah pwon, irail kin padahngki me mehlel duwen Koht.

Ke sohte anahne pwain pwe ken ale kasukuhl wet. Ke pil kak sukuhlki duwen Koht nan Wasahn Kaudok en Sounkadehdehn Siohwa kan.