Ira Rongala Sehdan​—Ia Imwilahn Met?

Adam oh Ihp sapeikiong Koht, eri ira mehla. Senesis 3:6, 23

Ihp rong sineiko oh tungoalehda wahntuhkeo. Mwuri e ahpw kihong Adam e ahpw pil iang tungoale.

Dahme ira wiao sapwung, e wia dihp ehu. Koht eri ketin kausasang ira nan mwetuwelo.

Mour apwalla ong ira oh neira seri kan. Ira mahla oh mehla. Ira sohte kohla ekis wasa, ahpw ira sohla mie.

Me melahr akan duwehlahr pwehl, re solahr momour. Senesis 3:19

Kitail kin mehla pwehki kitail koaros tepisang Adam oh Ihp. Me melahr akan sohte kak kilang de rong de wia soahng teikan.​—Eklesiasdes 9:5, 6, 10

Kaidehn kupwuren Koht aramas en mehla. Ahnsou keren e pahn ketin kaiasada me melahr akan. Ma re pahn rong ih re pahn mour kohkohlahte.