Nohlik Lapalapo​—Ihs me Rong Koht? Ihs me Sohte Rong?

Pali laud en aramas nan mwehin Noha kin wia dahme suwed. Senesis 6:5

Adam oh Ihp nainekihda seri tohto oh sampah direkihla aramas. Mwuhr ekei tohnleng kan iangala Sehdan uhwongada Siohwa.

Irail kohdihdo sampah oh doadoahngki paliwar uduk oh mwomwehda wiahla aramas pwe ren kak pwoudikihda lih akan. Lih pwukat naitikihda kodon lemei oh kehlail kei.

Sampah eri direkihla aramas akan me kin wia soahng suwed kan. Paipel mahsanih me “aramas akan ar suwedlahr nin sampah, oh ar lamalam akan eh kin suwed ahnsou koaros.”

Noha rong Koht oh wiahda warihmwo. Senesis 6:13, 14, 18, 19, 22

Noha wia ohl mwahu men. Siohwa ketin padahkihong Noha me e pahn ketin kasohrehkihla aramas suwed akan nohlik lapalap ehu.

Koht pil ketin padahkihong Noha en wiahda lapalahn warihmw ehu oh kihong eh peneinei oh soangsoangen mahn koaros loale.

Noha padahkihong aramas akan duwen nohlik me pahn kohdo, ahpw re sohte rong ih. Ekei kouruhrki Noha oh ekei kailongki ih.

Ni ahnsou me warihmwo wiawihdahr, Noha kahrehlong mahn akan loale.