Dahme Kitail Sukuhlki Sang Nohlik Lapalapo?

Koht ketin kasohrehla aramas suwed ko ahpw e ketin doarehla Noha oh eh peneinei. Senesis 7:11, 12, 23

Keteu laud wiawi rahn 40 oh pwohng 40 oh pihl laud kipehdi sampah pwon. Aramas suwed koaros mehla.

Tohnleng kan me uhwongada Koht kesehla paliwar uduk oh wiahla ngehn saut ekei.

Irail me mihmi nan warihmwo pitila. Mwuhr Noha oh eh peneinei mehla. Ahpw Koht pahn ketin kaiasirailda oh re pahn ahneki koapworopwor en mour kohkohlahte.

Koht pahn ketin pwurehng kasohrehla aramas suwed kan oh doarehla aramas mwahu kan. Madiu 24:37-39

Sehdan oh ienge ngehn saut akan kin pitipitihte aramas.

Duwehte rahnen Noha, aramas tohto rahnwet kin soikala sapwellimen Siohwa kaweid limpoak kan. Ahnsou keren Siohwa pahn ketin kasohrehla aramas suwed koaros.​—2 Piter 2:5, 6.

Mie ekei aramas me duwehte Noha. Irail kin rong Koht oh wia dahme e kin ketin mahsanih ren wia. Irail iei Sounkadehdehn Siohwa kan.