Dahme Pwoulahn Sises Pahn Wiahiong Uhk?

Sises ketin pwoula pwe kitail en kak alehdi mour. Sohn 3:16

Rahn siluh mwurin Sises eh ketin pwoula, lih ekei kohla ni eh sousowo oh diarada me sohte mehkot loale. Siohwa ketin kaiasadahr Sises.

Mwuhr Sises ketin pwarohng sapwellime wahnpoaron ko.

Ei, Siohwa ketin kaiasada Sises pwe en wiahla ngehn kehlail men me sohte kak mehla. Sapwellimen Sises tohnpadahk ko kilang eh ketiketidahlahng nanleng.

Koht ketin kaiasada Sises oh ketin kasapwilada ih pwe en wiahla Nanmwarki en sapwellime Wehio. Daniel 7:13, 14

Sises ketikihda sapwellime mour nin duwen tomw ehu pwehn pwainla aramas akan. (Madiu 20:28) Pwehki tomw wet, Koht ketin koasoanehdi pwe kitail en kak mour kohkohlahte.

Siohwa ketin idihada Sises nin duwen Nanmwarki men pwe en kaunda sampah. Me lelepek meh 144,000 ko pahn iasada sang sampah pwe ren iang ih nanleng. Sises oh meh 144,000 ko wiahda koperment pwung ehu nanleng, me iei Wehin Koht.​—Kaudiahl 14:1-3.

Wehin Koht pahn wekidala sampah pwe en wiahla paradais ehu. Mahwen, mwersuwed, paisuwed, oh duhpek solahr pahn wiawi. Aramas akan pahn uhdahn nsenamwahu.​—Melkahka 145:16.