Iahd Sampah Pahn Wiahla Paradais?

Kahpwal kan nan sampah kin kasalehda me Wehin Koht pahn kereniong wahdo paradais. Luk 21:10, 11; 2 Timoty 3:1-5

Paipel kohpada soahng tohto me wiewiawi rahnwet. E mahsanih me aramas pahn poakohng mwohni, sapeik ong pahpa oh nohno, lemei oh inengieng pein arail peren.

E pahn mie rerrer en sahpw laud kan, mahwen kan, lehk lapalap, oh soumwahu lusulus kan. Soahng pwukat koaros wiewiawi rahnwet.

Sises pil ketin mahsanih me rongamwahu en Wehin Koht pahn lohkseli wasa koaros nin sampah.​—Madiu 24:14.

Wehin Koht pahn kihsang soahng suwed koaros. 2 Piter 3:13

Kereniong Siohwa pahn ketin kasohrehla me suwed koaros.

Sehdan oh ienge ngehn saut akan pahn ale kadeik.

Irail me kin rong Koht pahn pitila oh iang mi nan sampah kapw ehu me sohte kamasepwehk oh aramas akan pahn likih emenemen oh limpoakpene.