Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • jl iren mehn kasukuhl 10
  • Dahkot Kaudok en Peneinei?

Sohte kasdo ong met

Kupwurmahk, mehkot sapwung en kihda kasdo

  • Dahkot Kaudok en Peneinei?
  • Ihs me Kin Wia Kupwuren Siohwa Rahn Pwukat?
  • Ire kan me Duwehte Met
  • Sawas ong Peneinei kan
    Atail Doadoahk ong Wehio—2011
  • Ia Duwen Omw Peneinei Ar Kak Nsenamwahu?​—Pali 2
    Pereperenki Mour Kohkohlahte!​—Koasoiapene Duwen Paipel
  • Kaudokiong Siohwa nin Duwen Peneinei Ehu
    Omw Peneinei Kak Nsenamwahu
  • Kaudok en Peneinei​—Ke Kak Wia Pwehn Kaperensang?
    Kahn Iroir Pakpakairki Wehin Siohwa—2014
Kilang Pil Ekei
Ihs me Kin Wia Kupwuren Siohwa Rahn Pwukat?
jl iren mehn kasukuhl 10

IREN MEHN KASUKUHL 10

Dahkot Kaudok en Peneinei?

Peneinei ehu me perenki wia kaudok en peneinei

South Korea

Pwopwoud ehu me wia onop en Paipel

Brazil

Emen Sounkadehdehn Siohwa me wia pein eh onop en Paipel

Australia

Peneinei ehu me wie koasoakoasoiapene ehu oaralap en Paipel

Guinea

Sangete mahs, Siohwa kin ketin kupwurki ehuehu peneinei ren doadoahngki ahnsou en ehupene pwehn kakehlaka arail nanpwungmwahu reh oh arail peneinei. (Deuderonomi 6:6, 7) Ihme kahrehda Sounkadehdehn Siohwa kan kin koasoanehdi ahnsou ehu nan ehuehu wihk pwehn wia arail kaudok en peneinei. Irail kin koasoiapene ni saledek soahng kan me re anahne me pidada arail nanpwungmwahu rehn Koht. Mehnda ma ke kin kelehpw, soangen ahnsou pwukat kak wia ahnsou mwahu ken karanih Koht, mwein onopki ehu oaralap en Paipel me ke pilada.

E wia ahnsoun karanihala Siohwa. Paipel mahsanih: “Kumwail keido mpen Koht, oh e pahn ketin keiong mpamwail.” (Seims 4:8) Kitail kin esehla mwahu Siohwa ni atail kin sukuhlki oaritik kan duwen soangen Koht dah men ih oh pil sapwellime wiewia kan sang nan sapwellime Mahsen, Paipel. Ehu ahl mengei ong omw peneinei en tapiada kaudok en peneinei iei en wadekpene Paipel ni ngihl laud, mwein idawehn koasoandi en wadawad en Paipel ong mihting en Atail Mour oh Kalohk. Koasoandi kak wiawihda pwe emenemen tohn omw peneinei en wadek ekei wasa nan Paipel, eri kumwail koaros kak koasoiapene dahme kumwail sukuhlki sang Paipel.

E wia ahnsoun karanihala omw peneinei. Ohl pwopwoud oh lih pwopwoud, oh pil pahpa nohno oh seri kan, kin kakehlaka nanpwungarail ni arail kin onop Paipel nin duwen peneinei ehu. E anahne wia ahnsou kaperen oh meleilei ehu, ahnsou ehu me tohn peneinei pwon kin kasikasik ehuehu wihk. Pahpa nohno kak medemedewe sounpar en neira seri kan oh pilada ire mwahu kan ren koasoiapene, mwein ire kan sang Kahn Iroir oh pwuhk teikan de sang nan neitail website, jw.org. Kumwail kak koasoia duwen kahpwal ehu me noumwail seri kan kin lelohng nan sukuhl oh ia duwen ar kak powehdi. Oh kumwail sou kilang prokram en JW Broadcasting (tv.jw.org) oh mwuri koasoiapene? Kumwail pil kak koulki koul kan me pahn wiawi nan mihting kan oh kang de nim mehkot mwurin kaudok en peneinei.

Soangen ahnsou tohrohr wet me kumwail kin doadoahngki ong kaudokiong Siohwa nin duwen peneinei ehu pahn sewese koaros nan peneinei ren perenki onop Mahsen en Koht, oh e uhdahn pahn ketin kapaiada amwail nannanti.—Melkahka 1:1-3.

  • Dahme kahrehda kitail kin koasoanehdi ahnsou ong kaudok en peneinei?

  • Ia duwen pahpa oh nohno ara kak wiahda ahnsoun kaudok en peneinei en kaperen ong koaros nan peneinei?

KALAUDEHLA OMW ESEHLA DUWEN MET

Idek rehn tohnmwomwohdiso teikan dahme re kin wia nan arail kaudok en peneinei. Pil kilang soangen pwuhk dah kan me mie nan Wasahn Kaudok pwehn doadoahngki ni omw pahn padahkihong noumw seri kan duwen Siohwa.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share