Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • lfb iren mehn kasukuhl 76 p. 180-p. 181 par. 2
  • Sises Ketin Kamwakelehda Tehnpas Sarawio

Sohte kasdo ong met

Kupwurmahk, mehkot sapwung en kihda kasdo

  • Sises Ketin Kamwakelehda Tehnpas Sarawio
  • Mehn Kasukuhl kan me Ke Kak Sukuhlkihsang Paipel
  • Ire kan me Duwehte Met
  • Sises Kamwakelehda Ihmwen Kaudok
    Nai Pwuhk en Poadoapoad Kan en Paipel
  • “Sapwellime Ahnsou Lelehr!”
    Kahn Iroir Pakpakairki Wehin Siohwa—2001
Mehn Kasukuhl kan me Ke Kak Sukuhlkihsang Paipel
lfb iren mehn kasukuhl 76 p. 180-p. 181 par. 2
Sises ketin doadoahngki mehn wowoki pwehn pwakihieisang mahn akan nan tehnpas sarawio oh wekidedi nein sounkawilian mwohni ko ar tehpel kan

IREN MEHN KASUKUHL 76

Sises Ketin Kamwakelehda Tehnpas Sarawio

Nan pahr 30 Sises ketila Serusalem. Aramas tohto kohla nan kahnimwo ong Pahsohpao. Irail wiahda meirong en mahn akan nan tehnpas sarawio, me pil wia kisehn kasarawien Pahsohpao. Ekei aramas wa kohdo mahn akan, a ekei pwaindahte nan Serusalem.

Ni Sises eh ketila nan tehnpas sarawio, e mahsanihada aramas ako arail netinetki mahn wasao. Irail kin wiahda neirail mwohni nan tehnpas en Siohwa wasahn kaudoko! Dahme Sises ketin wia? E ketin wiahda mehn wowoki ehu sang ni sahl ekei oh ketin pwakihieisang sihpw oh kou kan sang nan tehnpas sarawio. Ih eri ketin wekidedi nein sounkawilian mwohni ko ar tehpel kan oh wudekihdiong neirail mwohni ko nan tahto. Sises eri mahsanihong irail ko me netinetki mwuroi kan: ‘Kumwail wahlahsang soahng pwukat wasaht! Kumwail dehr wiahki tehnpas en Semei wasahn netinet ehu!’

Aramas ako me mi nan tehnpas sarawio ahpw pwuriamweikihla dahme Sises ketin wiao. Sapwellime tohnpadahk ko tamanda kokohpo me pid duwen Mesaia: ‘I pahn dirkihla ngoang ong tehnpesen Siohwa.’

Mwurin mwo, nan pahr 33, Sises pil ketin pwurehng kamwakelehda tehnpas sarawio. E sohte kin ketin mweidohng emen en mwamwahliki tehnpesen Semeo.

“Kumwail sohte kak papah Koht oh dipwisoun sampah.”​—Luk 16:13

Peidek kan: Dahme Sises ketin wia ni eh mahsanihada aramas ako arail netinetki mahn akan nan tehnpas sarawio? Dahme kahrehda Sises ketin wia met?

Madiu 21:12, 13; Mark 11:15-17; Luk 19:45, 46; Sohn 2:13-17; Melkahka 69:9

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share