Audepen Pali 12

Sises kin ketin padahkihong aramas akan duwen Wehin nanleng. E pil ketin padahkihong irail ren kapakapki mwaren Koht en sarawihla, sapwellime Wehio en ketido, oh kupwure en pweida nin sampah. Ma kowe pahpa de nohno men, kawehwehiong noumw seri ia wehwehn kapakap wet ong kitail. Sises sohte ketin mweidohng Sehdan en kauwehla eh loalopwoat. Sises ketin pilada sapwellime wahnpoaron kan, oh irail me tepin wia tohn Wehio. Tehk mwomwen Sises eh kin ketin ngoangki kaudok mehlel. Pwehki e kupwurki sewese meteikan, Sises kin ketin kamwahwihala me soumwahu kan, kamwenge me men mwengedahr kan, oh pil ketin kaiasada aramas sang mehla. Sang ni manaman pwukat koaros, e ketin kasalehda dahme Wehio pahn wiahiong aramas akan.