PEIDEK KAN EN PAIPEL PASAPENGLA

Ia duwen seri kan ar kak esehla poakohng Koht?

Noumw seri kan kak esehla poakohng Koht ihte ma re ahneki mehn kadehde me e uhdahn ketin mie oh me e ketin poakohng irail. Pwehn poakohng Koht, re anahne ese ihs ih. (1 Sohn 4:8) Karasepe, re anahne ese dahme Koht kupwurki ni eh ketin kapikada aramas, dahme kahrehda Koht ketin mweidohng lokolok en mie, oh dahme Koht pahn ketin wiahiong aramas akan ni ahnsou kohkohdo.—Wadek Pilipai 1:9.

Pwehn sewese noumw seri kan en poakohng Koht, ke anahne kasalehiong irail me pein kowe pil poakohng ih. Ni arail kilang met, ele re pahn idawehn omw mehn kahlemeng.—Wadek Deuderonomi 6:5-7; Lepin Padahk 22:6.

Ia duwen omw kak kamwakid mohngiong en noumw seri kan?

Mahsen en Koht manaman. (Ipru 4:12) Eri sewese noumw seri kan en sukuhlki padahk kesempwal kan loale. Pwehn kamwakid mohngiong en aramas akan, Sises kin ketin idek peidek kan, rong oh kawehwehda Paipel. Ke kak alasang mwomwen Sises eh ketin wia sapwellime padahk kan pwehn kamwakid mohngiong en noumw seri kan.—Wadek Luk 24:15-19, 27, 32.

Patehng met, dahme Paipel kasalehda duwen sapwellimen Koht wiewia ong aramas akan kak sewese seri kan en esehla oh poakohng Koht. Mie pwuhk kan nan www.jw.org me wiawihda ong kahrepe wet.—Wadek 2 Timoty 3:16.

Pwehn kalaudehla omw wehwehki met, menlau kilang irelaud 14 en pwuhk wet, Dahme Paipel Uhdahn Padahngki?, me Sounkadehdehn Siohwa kan wiahda

Pil mie nan www.jw.org, de kadarala noumw doaropwe en peki pwuhk wet ni ehu adres kan me mi ni pali 2