Loalokong Sang Koht kin Sapengla Peidek Tohto
1 Mwohn ke sukuhliki loalokong pwung en padahk mehlel, mwein ke kin medemedewe peidek tohto me pid duwen mour me ke sohte kak sapengla. Ahpw ahnsou me ke rong pasepeng kan me poahsoanda pohn Pwuhk Sarawi, ke inenen peren! Met ke kak pil sewese mehteikan pil sapengla peidek kan ohte. (Kilang 2 Timothy 2:2.) Ke kak kasaleong irail loalokong en Koht me kak kaluwalahng mour soutuk. (Sohn 17:3) Ahpw iaduwen ke pahn sewese emen en kalahnganki kesempwalpen loalokong wet? Ke kak medewehla peidek kan me padahk mehlel kin sapeng ong uhk. Dahme irail me men rapahkihda dahme me mehlelo men ese? Nin duwen ahmw kin medemedewe mehpwukat e pahn sewese uhk en kihla pwuhken Ke Kak Mour Kohkohlahte Nan Paradais Nin Sampah. Mehn sawas pwukat pahn sewese uhk en kaunopada ong ahmw kalohk nan sounpwong en July.
2 Pwehki aramas tohto kin medemedewe dahme kahrehda aramas kin lokolok nan sampah, ke kak nda:
◼ “Ni ahnsou me kahpwal kin pwarada de wiewiahn mwersuwed kan kin tohtohla, aramas kin kalap idek dahme kahrehda soahng pwukat kin wiawihki. Iaduwen ke pahn sapeng ire wet?” Mweidong tohnihmw en sapeng oh kasalehda ahmw kalahnganki eh sapeng peidek wet. Mwurin mwo, pakalahng irelaud 11 nan pwuhken Mour Kohkohlahte, oh kasalehda dahme ntingihdi nan keieun parakrapo. Kawehwe me pwuhk wet kin kihda kawehwehpen Pwuhk Sarawi ong dahme kahrehda soahng suwed kan kin wiawihki, oh nda: “Ma ke inoukihong ie me ke pahn wadek pwuhk wet, I pahn perenki kihong uhk pwuhk wet.” Ma tohnihmw men naineki pwuhko, ke kak kawehwe duwen koasoandi en sawas.
3 Ahnsou me ke pwurehng pwurala rehn tohnihmw me ke pwilikihdi pwuhken “Mour Kohkohlahte,” ke kak nda:
◼ “I men wehwehki ahmw madamadau mwurin ahmw wadek ireo nan pwuhko duwen dahme kahrehda aramas kin lokolongki. Ke pwungki pasapeng me Paipel kin kihda duwen ire wet?” Mweidong en sapeng. Wadek parakrap 2 ni pali 99 nan pwuhken Mour Kohkohlahte, oh idek rehn tohnihmw ma ke kak wadek Rom 9:14 sang nan nah Pwuhk Sarawi. Mwurin mwo, ke kak nda: “Rohng mwahuo iei me Koht sohte kin, ni kopwung sapwung, kahrehda kitail en medekla oh lokolok. E inoukihda me e pahn kihong kitail mour soutuk ni popohl oh peren. Keieun irelaud nan pwuhk wet iei me oaralape koasoia ‘Mour Kohkohlahte Soutuk Kaidehn Ihte Auramen Ehu.’ I men kawehwe iaduwen komwi oh ahmw peneinei kak ale mour soutuk wet.” Pakalahng irelaud 1, oh kamwomwada onop en Paipel ni ahmw doadoahngki pwuhk wet. Onopki pwuhko uwen me ke lemeleme konehng ong ahnsouo.
4 Mwein ke men doadoahngki tepin koasoi nan pwuhken “Reasoning” ni pali 14 pahnangin oaralap “Old Age/Death” (“Mahla/Mehla”):
◼ “Mie pak ke medemedewe, ‘Mehla iei imwin soahng koaros? De mie mehkot me kin wiawi mwurin mehla?’ [Mweidong en sapeng.] Pwuhk Sarawi kin kawehwe mwahu duwen irair en mehla. [Wadek Eklesiasdes 9:5, 10.] E kin kasalehda me mie koapwoaroapwoar mehlel ong irail me kin anehki pwoson. [Pakalahng pali 79 nan pwuhken Mour Kohkohlahte; wadek parakrap 10 oh 11, mwurin mwo kawehwe mahsen en Sises nan Sohn 11:25.] Irelaudo pwon kin sapengla peidek wet, Dahme kin wiawi ni ansoun emen mehla? Ma ke men wadek pwuhk wet, I kak pwilikihdi rehmw.” Kawehwe duwen koasoandi en sawas oh mweidong tohnihmwo en kihda eh sawas.
5 Ahnsou me ke pahn pwurehng pwurala rehn tohnihmwo, ke kak nda:
◼ “Rahn teio, kita koasoiapene duwen dahme kin wiawi ni ansoun emen mehla. Aramas tohto kin kamehlele me aramas kin mour mwurin mehla—mour nanleng de mour nan ehl. Ahpw mie pak me ke medemedewe me aramas melahr akan kak iasada oh pahn mour nan sampah? [Mweidong en sapeng.] Duwen dahme Paipel mahsanih, me iasada kan pahn iang kisehn me opampap kan me pahn sohsohki sampah. [Wadek Melkahka 37:11, 29, mwurin mwo koasoia parakrap 11 lel 13 ni pali 170 nan pwuhken Mour Kohkohlahte.] Koapwoaroapwoar wet kin kihda mehn kamweit ong aramas rar rar kei me kin mour nan ahr masak mehla. Pwuhk wet pahn sewese iuk en wehwehki mwahu duwen ire wet. I kak wia kisin kamwomwada duwen iaduwen ke pahn doadoahngki pwuhk wet?”
6 Ma ke men doadoahngki ehu padahk mengei, ke kak nda:
◼ “I men kasalehong uhk kilel ehu nan pwuhk wet, Ke Kak Mour Kohkohlahte Nan Paradais Nin Sampah. Ke soh kin linganki kilel wet?” Pahkpeseng pwuhko oh pakalahng pali 11. Mweidong en sapeng. Mwurin mwo, wadek parakrap 11 ni pali 10. Kaimsekla ahmw koasoi ni ahmw pahn nda, “Ke kak naineki pwuhk wet pwe ken pein wadek. Pwuhk wet sohte isepe, ahpw se kin perenki ale kisin sawas kan ong aht doadoahk me kin wiawi sampah pwon.” Idek rehn tohnihmwo ahnsou dah me pahn mwahu ong ih pwe ken pwurehng pwurala.
7 Kitail anehki loalokong sang Koht me kin sapengla peidek kesempwal kan en mour. Kaunopada mwahu oh Siohwa pahn kapaiada ahmw nantiong ehukihong aramas kan me kin rapahki me mehlelo loalokong kesempwal wet.