Ministerial Servant Kan Kin Wia Papah Kesempwal
1 “Re kasalehda me pein irail kin wia ohl akan me uhdahn lelepek oh arail pwoson kin sansalkihda arail idipek nan doadoahk en Wehio oh ni arail kin sewese meteikan en kehlailla nan pwoson.” Ih met me pwuhken Organized to Accomplish Our Ministry koasoiahki ministerial servant kan ni pali 57. Mehlel, e warohng kitail en kahlemengih mehn kahlemeng en ngehn me neitail ministerial servant kan kin wiahda. Iang irail oh iangahki elder kan nan kalohk kin kahrehong “paliwar unsek kin keirda oh laudla ni limpoak.”—Episos 4:16.
2 Ministerial servant kan kin wiahda doadoahk kesempwal kan nan mwomwohdiso. Medemedewe arail doadoahk kesempwal kan koaros! Re kin apwalih mwohni en mwomwohdiso, pwuhk kan, makasihn kan, subscription kan, oh wasahn kalohk kan; re kin wia pwukoahn attendant, oh apwalih mehn lokaia kan, oh sewese kamwakele oh one Kingdom Hall. Re kin iang Theocratic Ministry School oh Service Mihding kan. Ekei irail kin pil iang wia kapahrek en wehipokon de wia ekei onop en mihding kan en mwomwohdiso. Duwehte kakon en paliwar, ministerial servant kan kin wiahda doadoahk kan me kitail anahne.—1 Korint 12:12-26.
3 Kilang ministerial servant kan ahr kin miniminiong elder kan nin duwen kisehn pwihn en ladu ehu me kin wauneki oh wehwehki emenemen kin kangoang meteikan en alasang met. (Kolose 2:19) Ni arail kin ni lelepek kapwaiada arail pwukoah kan kaukaule oh kasalehda arail nsenohki meteikan, re kin kahrehda mwomwohdiso en kekeirada ni ngehn.
4 Dahme kitail kak wia pwehn kasalehda atail kalahnganki ministerial servant kan me kin doadoahk laud? Kitail anahne wehwehkihla arail pwukoah kan oh kasalehda atail men miniminiong irail ni ahnsou me re anahne atail sawas. Sang ni atail lokaia oh wiewia, kitail kak kehsehkin irail me kitail kalahnganki arail doadoahk. (Lepin Padahk 15:23) Irail ko me kin doadoahk laud pwehki kitail kin warohng kitail en tehk mehlel irail oh kapinga irail.—1 Deselonika 5:12, 13.
5 Mahsen en Koht kin ketikihda kosonned kan oh irair kan me emen en kapwaiada pwehn kak wiahla emen ministerial servant. (1 Tim. 3:8-10, 12, 13) Arail papah sarawi kesempwal me anahn pwe mwomwohdiso en pweida mwahu. Soahngen ohl pwukat warohng atail kangoang kaukaule, pwe irail koaros kin “loalenohng amwail doadoahk ong Kauno ahnsou koaros.”—1 Korint 15:58.