Pilahnda Mwowe!
1 Sapwellimen Siohwa pwihn kin kalap koasoanehdi koasoandi kan me pid atail pali ngehn pwehn sewese kitail en kekeirada ni pali ngehn. Kitail men kalahnganki koasoandi pwukat, duwehte mwemweitdo en sounapwalih kan, kapokon kan, oh koasoandi teikan me kin wiawi nan pein atail wasa. (Madiu 5:3) Ahpw, ekei kin katiasang kapai pwukat pwehki pilahn teikan me re wiahdahr. Dahme re kak wia pwehn dehr katiasang kapai pwukat? Iaduwen kitail kak koasoanehdi atail koasoandi kan pwehn dehr mweidohng pilahn kan me sohte pid atail pali ngehn en kahrehong kitail en katiasang “soahng kan me keieu kesempwal”?—Pilipai 1:10, New World Translation.
2 Wiahda Ahmw Pilahn Ni Loalokong kin Kesempwal: Lepin Padahk 21:5 (NW) kaweidki: “Koasoandi kan en me loalokong kin mehlel wahdo kamwahu; ahpw irail akan me pwurur kin lelohng paisuwed.” Pwehn “wahdo kamwahu” en pali ngehn, kitail anahne pilahn mwowe ni loalokong, oh tamataman koasoandi kan me mwomwohdiso koasoanehdier en sewese kitail en kekeirada ni pali ngehn. Kitail anahne koasoanehdi atail koasoandi kan pwehn dehr katiasang koasoandi kan me kak sewese kitail en kekeirada ni pali ngehn. Ma kitail kin, ni pwurur, wiahda atail pilahn kan ong soahng kan me kitail men wia ahpw kitail sohte medemedewe duwen koasoandi kan me pahn wiawi nan mwomwohdiso, kitail pahn lelohng “paisuwed” ni pali ngehn.
3 Ke Dehr Katiasang! Kitail koaros kin pilahn ong ni ahnsou kohkohdo, duwehte pilahn en mwemweit, seiloak ong pisnis, mwemweit rehn peneinei oh soahng pwukat. Ahpw mwohn ke pahn koasoanehdi ahmw pilahn kan, tehk duwen koasoandi kan en ahmw mwomwohdiso. Ma ke diarada me Sounapwalih en Circuit pahn mwemweitdo ahnsouwo, de kapokon pahn wiawi ahnsouwo, nantiong en kawukila ahmw koasoandi kan pwehn dehr katiasang koasoandi pwukat. Society kin kehsehkin kitail mwowe duwen koasoandi pwukat. Elder kan kak padahkiong komwi dahme re koasoanehdi ong ahmw mwomwohdiso.
4 Ni atail pahn medemedewe duwen koasoandi kan me mihmi mwotail oh ni atail kin koasoanehdi atail koasoandi kan pwehn dehr katiasang koasoandi kesempwal kan, atail mour pahn “audaudkihla soangen kamwahu mehlel kan koaros, . . . ong ni lingan oh kapingpen Koht.”—Pilipai 1:11.