Wauneki Mwaren Siohwa Lingan
1 Sehdan kauwehla mwaren Koht ni ahnsou me e kahrehong tepin ohl oh lih en wiahda dihp. Sang dahme Tepilo nda, e mwomwen nda me Siohwa pitihdi Adam. (Sen. 3:1-5) Pwehki wehwehn mwaren Koht kin pid duwen sapwellime mahsen ah uhdahn pahn pweida, e sansal me dahme Sehdan wia kin kauwehla mwaren Koht ni ahl me keieu suwed. Ahpw, pwehki Siohwa kin ahnsou koaros kapwaiada kupwure sangete mahs lel atail ahnsou, e kasalehda me wehwehn mware kin uhdahn pwung oh, ni ahl wet, kin kalinganla mware.—Aiseia 63:12-14.
2 Kitail wia aramas me Siohwa kin ‘likweriki mware.’ (Wiewia 15:14, 17) Met kin kihong kitail ahnsou mwahu en kasalehda ia atail pepehm duwen kasarawihla mware. Kitail diarada me mwaren Koht kin inenen lingan pwehki e kin wehwehki soahng kan me mwahu, kadek, limpoak, mahk oh pwung. Kitail men kapinga mwaren Koht me lingan oh lapalap. (Mel. 8:1; 99:3; 148:13) Ma kitail wauneki mwaren Koht, dahme kitail pahn wia?
3 Kasarawi Mwaren Koht: Sohte mehkot me kak wiawihong mwaren Koht en kak sarawi sang uhdahno. Ahpw, kitail kak wauneki mwaren Koht oh kak kasalehda me kitail kamehlele me mwaren Koht inenen sarawi ni atail tiahk mwakelekel oh kalohki Wehio. Kitail en lohki: Kapingkalahngan ong Siohwa, kumwail aramas akan! Likweriong mware. Kumwail lohkiong wehi koaros wiepen nin lime kan. Wauneki oh kasarawihla mware.” (Aiseia 12:4) Iaduwen kitail kak wia met?
4 Kitail en doadoahngki ahnsou mwahu koaros en lohki mwaren Koht oh wehwehn mware. Mehnda ma kitail iang doadoahk en ihmw-lel-ihmw de kalohk ahnsou sohte lipilipil de kalohk sidohwa-lel-sidohwa de kalohk ni atail doadoahngki telephone, atail doadoahk en kalohk kin wauneki Siohwa. Ni atail kin diarada aramas akan me perenki rong, kitail en koasoanehdi en pwurehng pwurala rehrail oh padahkiong irail duwen Siohwa. Met kin wehwehki me kitail pahn uhdahn pwurala ahnsowo me kitail koasoanehdi rehrail oh nantiong tepiada onop en Paipel rehrail. E kin kaperen pwe pahr koaros, kid kid kei kin sukuhliki en esehla Siohwa oh wauneki mware lingan.
5 Ma kitail kin wia uwen me kitail kak ni atail iang doadoahk en kasarawi mwaren Koht, kitail pahn kasalehda duwen atail pepehm me pid ire me Sehdan kapwarehda nan mwetuwel en Ihden. Doadoahk wet wie doadoahk me keieu kesempwal me kitail kak wia. Kitail en wauneki oh kapinga mwaren Siohwa oh wia met ni idepek!—1 Kron. 29:13.