Koakon En Peidek

◼ Ihs me konehng en ale “lapel badge card” ni Kapokon en District?

“Lapel badge card” kan ong Kapokon en District kin kasalehda eden riatail kan oh kak pakairkiong koaros oaralap en kapokono. Ahpw, kitail dehr kihseli mwahl doaropwe pwukat. Doaropwe pwukat kin kasalehda me mehmen me doadoahngki kin wia emen Sounkadehdehn Siohwa kan nan mwomwohdiso ehu oh e kin tiahk mwahu oh konehng nin duwen Kristian men.

Doaropwe wet pahn kasalehda eden brothero de sistero me doadoahngki oh pil eden mwomwohdiso me re iang. Ihme kahrehda, e sansal me brothero de sistero me doadoahngki doaropweo kin iang mwomwohdiso me ntingdi pohn doaropweo sounpwong kei de sounpahr kei. Society kin kadaralahng mwomwohdiso doaropwe kan me re kin anahne. E pahn konehng en kihong sounkalohk koaros (me papidaisla oh me saikinte papidaisla kan). Oh pil, nein Sounkadehde kan oh meteikan me kin kaukaule iang towehda mihding kan oh wie kekeirada oh kereniong pahn iang kalohk pil kak naineki doaropweo. Ahpw, e sohte pahn konehng en kihong emen me piskinla doaropweo.

Ni ahnsou me doaropwe pwukat pahn kohwong mwomwohdiso, elder kan pahn tehk me irail me konehngte en ale neirail doaropwe.