Ke Kin Doadoahngki Kisin Doaropwe en JW.ORG (Contact Card)?

Pwehki atail ese me kahn kamakam kowahlap kerendohr, atail doadoahk en kalohk karuwaru. (Lep. Pad. 24:11, 12, 20) Pwehn sewese aramas, kitail kak doadoahngki kisin doaropwe wet pwehn sewese irail en tehk sapwellimen Koht Mahsen oh neitail website. Mie code ehu nan kisin doaropweo me pahn kahluwairaillahng kisin kasdo Dahme Kahrehda Ken Onopki Paipel? oh luhk ong kalaudehla wehwehki ire kan de onop Paipel. Ekei aramas sohte kin men ale neitail pwuhk ahpw men kohla nan neitail website. Ke dehr pweiek en kihong irail kisin doaropwe wet. Ahpw, ke dehr kihdi kisin doaropwe wet ong irail kan me sohte men rong.

Ni omw kin wia soahng kan me ke kin kalapw wia ehuehu rahn, ke kak kahrehiong emen en perenki rong sang ni omw pahn ndahte: “Mie mehkot me I men kihong uhk. Kisin doaropwe wet pahn kahluwaiuklahng website ehu me mie ire tohto oh kisin kasdo kan ong soangsoangen oaralap kan, oh sohte isepe.” (Sohn 4:7) Pwehki kisin doaropweo tikitik, ele ke kak wahda ekei pwehn ehukihong meteikan ahnsou mwahu koaros me ke kak.